John Lydgate: The Complaint of the Black Knight with When by Divine Deliberation (Page 26 of 28)
(p.134) QWhen be dyvyne deliberatioun
Of persons thre in a god hede yfere.
The grete message / and hye legacioun
Was send vnto that blyssit lady dere
Be gabriel scho being in hir prayere
Asking of god as prophecy dois exprim
To send the sone that suld the warld redeme
The angel to the virgyne Is removit
And to mary he said. on this manere
Hayle full of grace derest and best belovit
God is wyth the / thou art till hym most dere
Maist preciouse. and principall but pere
Thou suete wyne tre & well of sanitee
God will of the tak his humanitee
The virgyne wonderit of that hye message
And was abaisit in hir humyl sprete
Wnto the angel having this langage
Wyth sobir mynde / and wordis wonder suete
As scho that was full of grace & replete
How may this be / I suld consaue a childe.
I knaw no man / my maidynhede is vnfylde
Be nought perturbit in thyne aduertenc
Thy benygne ere vnto my voce inclyne
The faderis powere the sonis sapience
The vertu of the haly gaste dyvyne
Within thy wame sall obumbir & schyne
Thou sall consaue bath clene in dede & thought
Hym that the maid / and all this warld of nought.
All creaturis on kneis fall ye doune
