Hew Morrison Collection > Searmon agus òraid

Mac an Duine
aige ann an aon làimh, is cungaidh shearbh aige
's an làimh eile, agus cha 'n urrainn do'n duine
thinn a bhi air a leighis gus am bi iad so air an
cleachdadh. Air an taobh eile tha neach 'n a
sheasamh agus deoch caidil aige ann an aon làimh,
agus deoch phuinseanach aige 's an làimh eile.
Tha deoch cadail aige chum 's gu'n toir e dha an
deoch eile. Ciod e 'tha mi a' faicinn ? Tha mi a'
faicinn an duine tinn a' tionndadh o'n leigh, agus
a' tionndadh ris an fhear eile le bheul fosgailte,
chum is gu'n gabh e an deoch cadail. O, tha na
milltean ann an diugh a' tha deanamh sin ann an
seadh spioradail. Tha iad a' tionndadh air falbh
o'n t-Slanuighear, agus tha iad a' dol comhla ris a'
Mhilltear.
Tha mi a' faicinn Chriosd a' tighinn le a Spiorad,
agus ciod is crioch dha theachd? 'Nuair a tha
neach a' dol a shireadh airson ni a tha caillte, tha
e gle thric a' lasadh coinnle chum 's gu'm faigh se
e. Cha'n'eil feum aig an Tighearn air coinneal,
ach tha feum aig an duine bhochd air sin. Tha e
a' teachd agus a' cleachdadh focail an Lagha an
toiseach. Ma dh'fhaoidte gu bheil e beantainn ri
cleachdadh air choireigin a bh'aige, agus tha 'm
focal a nis 'n a f hocal ditidh dha, agus tha e 'g a
fhaicinn fhein toilltinn a bhi air a thilgeil gu
26