J. F. Campbell Collection > Gaelic songster

GHAIDHEALACE.
Gu bhi ri iomradh ann am dhàn
Air cliù nan eàr-laoch cròdha
Nach d'fhàilnich riamh air muir no tìr,
A dhion na Rìogh'chd 's na còrach.
A shliochd nan sonn, bho thìr nam beann,
Nan raon, nan gleann 's nan rèidhlein;
A chlann nan Gàidheal, s e 'ur stàilinn
Dheanadh àr a's reubadh;
Tha eachdruidh làn d'ur 'n euchdan àrd,
Do chruas 'ur làmh 's d'ur trèine,
Ri uchd gach nàmhuid be 'ur n-àbhaist
Buaidh no bàs, mu'n gèilleadh.
'Nuair thug an Russach ionnsuidh fhuilteach
Atr an Tuirc le fòirneart
Gu toirt fo chìs; 'sa luaisg e sìth
Gach rioghachd 'san Roinn-Eòrpa :
'N sin dh'èirich Breatumi a's an Fhraing
Le'n cumhachd toinnte còmhla,
Am banntaibh dlùth le Omar Pasha : —
'S iad mar lànain phòsda.
Mu'n gann a fhuair iad dol gu tìr.
Air ìsleach Bhaileclabha,
Bha feachd nan Russaineack fo'n gleus,
Air àird' an t' slèibh aig Alma,
Mar choilich dhùnain a' toirt dùlain
Do na diùnnlaich àluinn,
Nach faigheadh dlùth dhoibh taobh an sùil,
Ach ann an sùil na làmhaich.
Ach beò no marbh, cha'n fheudta stad
Ach suas gu grad nan còmhdhail ;
Cha robh dol às bho'n teine chiùrrail
. ' ^'"'h'n dlùth ri 'n sgòrnain ;