Series 4 > Stirling Presbytery Records 1581-1587

STIRLING PRESBYTERY RECORDS I581-I587 149
Lachlane, chairgeing thame to compeir the said day to heir lell and
suithfast witnessing anent the diligence of Mr Johnne Campbell,
bischop of lyllis, in doctrein and disceplein within the hielandis,
and speciallie within the said Lauchlanis boundis, anent his lyf and
conversatioun and dilapidatioun of the patrimony of the kirk and
sic uthir thingis as thai salbe inquyrit of, insafar is thai knaw or salbe
speirit at thame, ilk persone undir the paine of disobedience, the
said Mr Johnne Campbell being personallie present, compeirit all
the saidis witnessis, quha was ressavit, swome and admittit and
examinat thairupone, as the depositionis beds.
Mr Johnne Campbell: The samin day James Andirsone and Patrik
Gillaspie, appointit in the last sessioun to speik my lord off Argyll,
the laird of Arkinglas and utheris befoir specefeit anent the premisis
and to request thame to obey the summondis, reportit to the
brethrein that thai hade spokin my lord of Argyll and the said laird
of Arkinlayis according to thair commissioun, quha ansorit that my
lord was to ryd this day in the morning and the said laird of
Ardkinglas and thairfor could nocht be present in tyme of sessioun,
and thairfor thai desyrit the said noblle lord and laird to declair to
thame the trewthe insafar as thai knew anent Mr Johnne Campbellis
diligence in doctrein and disceplein, his lyf and conversatioun and
dilapidatioun of the patrimony of the kirk, quha deponit according
to thair report to be made and wretin with the depositionis of the
remanent witnessis foirsaid.
Mr Johnne Campbell: The brethrein, undirstanding that the
brethir of the presbytery off Glasgw hes bettir knawlege of the
trewthe of the said Mr Johnnis procedingis anent sic thingis as ar
mentionat in the act of the generall assemblie nor we have, thairfor
thinkis gude and ordanis that adverteisment be made to thame anent
the tryell of the said Mr Johnne desyrand thame to take sic tryell as
thai may guidlie of the said Mr Johnnis procedingis anent the heddis
conteinit in the act of the generall assemblie and quhat thai find
thairby to report the same againe to the brethir betuix and the first
Twysday efter S. Lowrence day, viz., the xiij day of August nixt,
the said Mr Johnne wamit thairto apud acta.
Chrystis wall, Hellein Galbrayth, Elezabeth Levenox, Agnes Blair:
The quhilk day ane summondis beand producit dewlie execute and
indorsit upone Margaret Wricht, spous to Robert Harvy in Arnbeg,