Series 4 > Stirling Presbytery Records 1581-1587

150 STIRLING PRESBYTERY RECORDS 1581-1587
Hellein Galbrayth, spous to Johnne Campbell in Arnegibbon,
Cristane Clark, spous to Johnne McHenrie in Boclyvie, Elezabeth
Levenox, spous to Johnne McAndro in Boclyvie, Agnes Blair,
spous to Johnne Dow in the Garrane of Boclyvie, Jonet Gairdner,
spous to Patrik Mcllhois in Scheirgartane, and Johnne Lecky in
Balegorte, chairgeing thame to have compeirit the said day to
answer at the instance of the kirk for passing in pilgramage to
Chrystis woll and using of superstitioun and idolatrie thairat
againis the law of God, ilk persone undir the paine of excommuni-
catioun, compeirit personallie the said Hellein Galbrayth and confes-
sit that scho past ane lairge part of the gait to Chrystis woll, mynding
to have past thairto to have gottin hir haill war nocht scho was
stoppit be the way, for the quhilk intent and purpos the brethrein
ordanis the said Hellein to mak publict repentence in hir awin
parroche kirk of Kippen on Sonday nixt in tyme of preiching or
prayeris. Compeirit the said Elezabeth Levenox and grantit scho
past to Chrystis woll becaus hir foirbearis past thair and becaus scho
hade ane sair leg, and confessit that scho belevit the woll sould have
helpit it, and confessis scho past ainis about the woll and that scho
drank of it. Compeirit the said Agnes Blair personallie and confessis
scho past to the said woll to gait health to ane scharg baime, quhilk
scho hade, and belevit that be the waschein of the baime with the
waltir of the said woll he sould ather dee or leive, and confessis that
scho past ainis about the woll. The remanent of the saidis personis
being oft tymis callit compeirit nocht. Thairfor the brether findis
thame and ilk ane of thame contumax, and thairfor ordanis thame
to be summond to heir and se thame selffis decernit to be excom-
municat for thair contumacie and malicius disobedience to the
voice of the kirk, with certificatioun and thai failze we will proceid
and deceme thame and ilk ane of thame excommunicat for the caus
foirsaid according to Godis Word.
Chrystis woll, Marione Giljillan, Jonet Mairtein, Marjorie Galbrayth:
The quhilk day ane summondis beand producit lauchfullie execute
and indorsit upone Jonet Neicklay, spous to Neillen [Allane,
deleted] Gilfillane, Marione Nekla in Boclyvie, Marione Gilfdlane,
spous to Duncane Provand, Duncane Watsone, Jonet Mairtein in
Garden, Margaret Neill thair, Margaret Leckie, spous to Donald
Ure, Margaret Galbrayth, spous to Waltir McAlaster, and the said