Series 4 > Stirling Presbytery Records 1581-1587

148 STIRLING PRESBYTERY RECORDS 1581-1587
Junij instant, beressone quhairof the moderatour accusit the said
William Stirling (beand personallie present) gif he is this instant
moneth baptezit ane bairne at the kirk of the Port of Inchemahome
gottin be Johnne McVenatar in the parrochun of Drimmen in
adulterie by his wyf on Jonet Drummond (the kirk nocht beand
satisfeit), the said William denyit simpliciter the baptezing of the
said baime. Secundlie, beressone of the said wreting, the moderatour
accusit the said William gif he on the [blank] day of the samin
moneth baptezit ane uther baime at the said kirk of Port gottin be
ane sarly Buchannane in adultrie on Jonet Nicilwreid, spous to the
said Johnne McVenatar, nather of the parentis beand present nor
the kirk satisfeit, nathir yit ony promeis cravit for satisfeing of the
kirk for the said offence. The said William denyit the haill accusa-
tioun simpliciter. For farther tryell of the quhilkis, the brethir
ordanis the said Mr Patrik Walkinschaw to be desyrit to send heir
the extract of the depositionis of certane witnessis ressavit and
examinat be him in the said mater with the circumstancis thairof to
the effect the brethir may tak farther ordur thairanent for purging
the kirk of sic sclandir.
Andro Broun: The quhilk day ane summondis beand producit
lauchfullie execute and indorsit upone Andro Broun in Dunblane
chairgeing him to have compeirit the said day to answer at the
instance of the kirk for speiking and haulding purpois with William
Drummond, ane mane excommunicat and cuttit of from the
societie of the faithfull publictlie at the mercat croce of Dunblane
on Sonday the xxiij day of Junij last at xij houris at none expres
againis Godis Word, and to underly the disceplein of the kirk
thairfoir undir the paine of excommunicatioun, quhilk Andro
being oft tymis callit compeirit nocht. Thairfor the brethrein
ordanis him to be summond litteratorie to heir and se him self
decemit to be excommunicat for his contumacie and malicius
disobedience with certificatioun and he failze we will proceid and
decern him to be excommunicat, as said is, according to Godis
Word.
Mr Johnne Campbell: The quhilk day ane summondis beand
producit lauchfullie execut and indorsit upone Lachlane McLane
of Duart, Johnne Dow McLane, fathir brothur to the said Lachlane,
Johnne Dow Campbell and Johnne Auchinros, servandis to the said