Series 4 > Stirling Presbytery Records 1581-1587

STIRLING PRESBYTERY RECORDS 1581-1587 125
he submittis him self in the will of the brethrein, and being accusit
be the moderatour for adultrie with Agnes Gentill, inrespect he is
mareit with Jonet Drummond quha is yit alyve, the said Thomas
confessis him mareit with the said Jonet and grantis camall copula-
tioun with the said Agnes by his wyf, and thairfor is fund be the
brethrein to have committit adultrie, for the quhilk he is ordeinit to
pas to the nixt synnodall assemblie of this province to be haldin in
Edinbrugh the first day of October nixttocum, thair to ressave
injunctionis to be injonit to him for his said offence and obey thame
undir the paine of disobedience, and lykwys is admonesit to abstein
fra the said Agnes in carnall dell in all tymis cuming undir the paine
of excommunicatioun.
Nicoll Fergus contra Jonet Wrycht: The quhilk day ane summondis
beand producit lauchfullie execut and indorsit upone Jonet Wrycht,
dochter to Henrie Wricht in Forest, chairgeing hir to compeir befoir
the brethrein the said day to answer at the instance of Nycoll Fargus
in Brachteburn within the parrochun of Clakmannan, to schaw and
declair ane ressonablle caus quhy scho will nocht compleit manage
according to ane matrimoniall contract made betuix the said Henrie
Wrycht and hir, on that ane part, and the said Nycoll, on that uthir
part, as at mair lynthe is conteinit in the said summondis producit
thairupone, baithe the saidis parteis compeirand personallie, and the
said Jonet Wricht, beand requyrit to declair ane ressonablle caus
quhy sche wald nocht compleit mariage with the said Nycoll, could
declair nane bot continewit still obstinat in refuis of the same, and
farther beand requyrit be the moderatour to declair gif scho was
contractit in mariage with consent of hir parentis to the said Nycoll,
scho and hir fathir, also being present, confessit bayth the same and
that thair banis war proclamit thre sindrie Sondayis according to
the ordur. With the quhilkis, the brethrein being advysit findis the
said Jonet Wricht inconstant in passing fra the promeis of mariage
quhilk scho haid made, as said is, and lykwys the said Henrie, hir
fathir, in approving hir passing thairfra againis his awin formar
consent to the said promeis, and thairfor inrespect of the saidjonettis
malicius refuis decernis the said Nycoll Fargus fre to marie in the
Lord nochtwithstanding of the formar contract, and for the said
Jonet and Henreis inconstancie decemis the said Jonet to mak publict
repentence in the parroche kirk of Clakmannan the nixt Sonday,