Series 4 > Stirling Presbytery Records 1581-1587

126 STIRLING PRESBYTERY RECORDS I581-I587
viz., the ix of this instant, in the plaice appointit for penitentis in
tyme of sermond according to the ordur, undir paine of dis¬
obedience, and the said Henrie, hir fathir, inrespect of his refuis to
compleit the said manage nochtwithstanding of his format consent,
being hir fathir, decemis him to pay x libis. usuall mony of this
realme, to be applyit to the decoratioun of thair parroche kirk of
Clakmannan, according to ane act of the generall assemblie made
thairanent, and farther inhibitis and forbiddis the minister of Clak¬
mannan and all uthir ministeris or rederis havand functioun within
the kirk that nane of thame minister ony benefeit of the kirk to the
said Henrie nor his said dochter ay and quhill the saidis Henrie
and Jonet satisfie our said decreit in all pointis alsweill civillie as
spirituallie, as thay or ony ane of thame will answer thairfoir to the
kirk.
Adulteraris in Clakmannan: The quhilk day Patrik Layng being
desyrit be the moderatour to declair quhow oft he haid admonesit
the personis dwelland within the parrochun of Clakmannan that ar
decemit to be excommunicat to submit thame selffis to the disce-
plein of the kirk for thair contumacie, and lykwys being desyrit to
produce the forme of his admonitionis in wret as he was ordeinit,
the said Patrik ansorit that he hade admonesit thame lauchfullie on
twa sindrie Sondayis and as tuiching the forme of his admonitiounis
confessit he hes nocht as yit put thame in wret in perfyt forme but he
sail do it and produce thame befoir the brethir on the xviij day of
Junij instant. The brethrein ordanis him to gif the saidis personis
the thrid admonitioun befoir the sentence on Sonday nixt and to
produce the forme of his haill admonitionis according to his
promeis.
Patrik Layng: The samin day Patrik Layng beand desyrit to
produce his answeris to the accusatiounis layit againis him according
to the brethreinis ordinance made on the vij of May last bypast,
compeirit the said Patrik and producit his answeris in wret as thai
bair in thame selffis, with the quhilkis the brethrein tuik to advys
to the xviij day of Junij instant the said Patrik wamit thairto apud
acta.
Patrik Layng: The brethrein undirstandand Patrik Layng to have
ressavit summondis for chairgeing of Margaret Bruce to compeir
befoir the brethrein to answer at the instance of the kirk for adultrie