Books and other items printed in Gaelic from 1871 to 1900 > Cuairt an eilthirich, no, Turas a' Chriosdaidh

260 TURAS A CHRIOSDAIDH.
An sin thuirt Mata, tha 'n sealladh so mu'n t-suipeir
a' meudachadh mo chìocrais.
Gaius. Gu ma h-ann mar sin a ni gach teagasg a
fhrithealar dhut, do chìocrais a mheudachadh chum
suidhe sios gu suipeir an Rìgh mhòir 'na rìoghachd : oir
cha n-eil gach searmonachadh, gach leabhar, agus òrd-
ugh ann an so, ach mar an t-ullachadh a tha 'n so,
an coimeas ris a' chùirm a dh' ullaicheas ar Triath
dhuinne an uair a thig sinn chum a thaighe.
Mar sin thàinig an t-supeir, agus chaidh an t-uchd-
luaisgte agus an slìnhein togta a chuir air tùs aìr a'
bhòrd air am beultaobh, a nochdadh gu'm b' eigin daibh
toiseachadh air le urnaigh agus moladh do Dhia. 'S
ann leis an t-slinnein thogta a thog Daibbidh suas a
chridhe ri Dia ; agus 's ann air an uchd-luaisgte, far
an robh a chridhe 'na laidhe, a b' àbhaist da a thaic
a leagadh air a chlàrsaich, an uair a bhiodh e a' cluich.
Bha 'n, da sheòrsa sin ro mhath, agus dh' ith iad uile
gu cridheil diù. Lebh. vii. 32—34 : x. 14, 15 ; Salm
xxv. 1 ; Eabh. xiii. 15.
B'e 'n t-ath ni a thugadh a làthair, searrag f hìona ;
cho craobhach dearg ri fuil. (Deut. xxxii. 14 ; Breth.
ix. 13 ; Eoin xv. 5.) Thuirt fear an taighe riu iad a
dh' òl gu saor dheth : gu'm b'e sin fior thoradh an
fhìonain, a dh' f hàgadh cridhe Dhè agus dhaoine subh-
ach. Uime sin dh' òl iad agus bha iad cridheil.
B'e 'n ath chuireadh a fhuair iad bainne air a
dheagh dheasgnadh ; ach thuirt Gaius, thugar sin
do'n chloinn chum gum fàs iad leis 1 Pead. ii. 1, 2.
An sin fhuair iad ìm agus mil. Thuirt Gaius riu,
iad a dh' itheadh gu pailt deth sin ; oir tha e math a
neartachdadh 'ur cèill agus 'ur tuigse. B'e so bu lòn
d'ar Tighearn' an uair a bha e 'na leanabh ; ìm agus
mil ithidh e chum gur aithne dha an t-olc a dhiùltadh,
agus roghainn a dheanamh do'n mhath. Isa. vii. 15.
An sin thug iad d'an ionnsaidh mias ubhal, a bha
fallain agus blasda. An sin thuirt Mata, Am faod sinn