Bannatyne Club > Correspondence diplomatique de Bertrand de Salignac de la Mothe Fénélon

— 270 —
la dicte Dame ; mais en fin elle le luy a deflandu expressé-
ment et luy a baillé lettres pour passer en Irlande. Je ne
sçay si quelque contraire vent le poulsera , de son gré , à la
Rochelle.
Les flottes dont vous ay , cy devant , faict mencion ,
que ceulx cy préparoient pour aller en Hembourg et au dict
lieu de la Rochelle, encor qu'on les ayt mandé retarder
toutes deux pour quelques jours , celle néantmoins de la
Rochelle commence meintennant à sortir de ceste rivière et
en plus grand nombre de vaysseaulx que ne portoit mon
premier adviz , et toutz à demy équipez en guerre , comme
est la coustume des Anglois ; et est on à délibérer si ce sera
M^ Oynter visamyral, ou M". Olstoc contreroUeur de la
marine , qui conduyra la dicte Hotte de la Rochelle , et si
ce sera avec plus grand nombre de grandz vaysseaulx
de ceste Royne qu'd n'avoit esté proposé du commance-
ment, que l'on n'en avoit ordonné que deux. En quoy, en-
core que je ne descouvre qu'il y ayt aulcune déterminée
entreprinse cachée là dessoubz , si n'est d'apporter des com-
moditez et rafréchissemens de grains , de chers sallées , et
grand nombre de bottes, de soliers, de suyf, et, possible,
de quelques salpêtres , à ceulx de la Rochelle , et de se
payer en sel et vin tant du premier rafreschissement qu'on
leur porta en décembre que de cestuy cy, si crains je qu'il
y ait quelque aultre entreprinse; de tant qu'on m'a dict
qu'en toutz les vaysseaulx qui s'aprestent d'aller en mer,
l'on y redouble les hommes , oultre le nombre et équipage
accoustumé , et que j'ay adviz que ceulx de la nouvelle re-
ligion, Françoys, qui sont icy, ayans long temps retenu
deux navyres, en faulx aiîret, toutz prestz dans ceste rivière,
pressent meintennant de les faire partir, et que la descrip-