Bannatyne Club > Correspondence diplomatique de Bertrand de Salignac de la Mothe Fénélon

ï
271 —
tion d'hommes dont, en mes précédantes, je vous ay, par
postille, faict mention, se poursuyt au nom du prince d'O-
range et du prince de Condé , la plus part de Flamans, sans
leur dire aultre chose sinon qu'on leur baillera de bons
capitaines pour les conduyre, lesquelz ilz auront bien
agréables et les mèneront en lieu où ilz seront bien receuz ,
et qu'ilz auront six deniers de ceste monnoye, qui est ung
réal, par jour, leur baillant pour ceste heure à chacun douze
deniers d'avance seulement, s'acheminans en dilligcnce
vers la Rie et Plemmue et autres portz du costé de France,
et qu'on a faict faire ung nombre de mandilz vertz , comme
de livrée pour soldatz .
11 sera bon, Syre, d'advertir tout le long de vostre coste
de mer qu'on preigne garde non seulement à ce que les dictz
deux navyres de faulx afîret pourroient entreprendre , mais
aussi au passaige de la dicte flotte des Anglois , ainsy que
je l'ay desjà mandé à monsieur le mareschal de Cossé, sans
toutes foys qu'on face aulcune démonstration d'hostillité
aus dicts Anglois , s' ilz n'en donnent occasion , et si Yostre
Majesté ne se veult attirer encores une novelle guerre toute
déclairée de leur costé , à quoy ilz ne sont que trop promptz .
Mais ilz sont plus irritez meintennant et prestz de la com-
mencer au duc d' Alve que à nous , si nous ne les provoquons,
et se pourra faire qu'ilz layssent dorsenavant la route de la
Rochelle et de Broage si de ces choses nécessaires, qu'ilz
y vont quérir, il vous playt les en faire fornir en aultres en-
droictz de votre royaume, ainsy que ceste Royne m'a aul-
cunement déclaré par sa responce , que je vous ay envoyée
le vnj' de ce moys, qu'elle en estoit contante; et se trou-
vera , icy, des marchantz qui en dresseront le commerce ,
pourveu qu'après que vous me l'aurez commandé je le