Bannatyne Club > Correspondence diplomatique de Bertrand de Salignac de la Mothe Fénélon

— 269 —
pensent que le Roy Catliolique ne soit meintennantpour les
en pouvoir engarder. Tant y a que je leur mettray aus dicts
deniers toutz les obstacles que je pourray, et , si la matière
en est ouvertement proposée à la dicte Dame ou en son
conseil , j'espère qu'ilz n'obtiendront tout ce qu'ilz de-
mandent.
J'avoys grande craincte, la sepmaine passée, ayant le
dictS^ Cardinal et les siens esté conduictz par aulcuns sei-
gneurs de ce conseil à la Tour , où ilz les festoyarent , que
ce fût pour leur consigner quelque somme. Mais après leur
avoir monstre l'artillerye, les pouldres et les armes, l'on
ne leur a pas faict seulement voir les quaysses de l'argent
d'Espaigne, non que de le leur avoir délivré, et semble
que ceulx mesmes , qui leur sont mieulx aiïectionnés , trou-
vent assez de difficulté à la seureté du rembourcement.
Les monstres des pencionnaires et gens de cheval de
ceste Royne sont mandez au premier jour d'apvril , et les
autres généralles et ordinaires de tout le royaume au xv" du
dict moys, et [est] commandé aulx ungs et aulx autres d'estre
toutz préparez au mandement que la dicte Dame leur fera
faire le dict xv' , et ont ceulx de la nouvelle religion essayé
de luy persuader qu'elle deust faire de nouveaulx capitaines
et de nouvelles levées extraordinaires 5 mais les principaulx
de ce conseil ont rompu ce coup. Yray est que le jeune
comte d'Oxfort s'est monstre plusieurs jours tout prest,
avec ung nombre de jeunes gentishommes anglois , pour
aller trouver le prince de Condé ou quelque prince d'AUe-
maigne , affin de veoir de la guerre , mais il n'en a peu ob-
tenir la permission de la dicte Dame. Bien a semblé qu' aul-
cuns luy conseilloient d'y aller voluntaire, et qu'ilz luy
respondoient que pour cella il n'incourroit l'indignation de