Hew Morrison Collection > Nadur an duine 'na staid cheithir-fillte

459
bithidh a làthaireachd ghlòrmhor aca. Ann an sin tha iad
air an toirt dluth do righ-chaithir an Righ mhòir agus seas-
aidh iad 'na làthair, far an nochd e dhoibh a ghlòir do-
bhreanuichte. Ann an sin bithidh aca pàilliun Dhè, air am
bheil an neul, sgaile na glòire gabhail còmhnuidh, nàdur
uile-ghlòrmhor an duiue ann an Criosd, anns am bheil làn-
achd na diadhachd a' gabhail còmhnuidh, cha 'n ann fuidh
sgàile, mar ann an làthibh irioslachaidh, ach a' dealradh
tre 'n f heoil bheannaichte sin, (chum gu faiceadh na naoimh
uile a ghlòir,) agus a deanamh a' chuirp sin ni 's ro-ghlor-
mhoire na mìle grian ; air chor as nach bi feum aig a'
chaithir air a' ghrèin no air a' ghealaich ; ach, " Shoillsich
gloir Dhè i, agus is e an t-Uan a 's solus di," (na is coinneal
di,) Taisb. xxi. 23. Is e sin, gur e an t-Uan an ni
soillseach, no an corp soiUseach, a bheir solus do 'a chaith-
ir ; mar tha a' ghrian agus a' ghealach a nis a' tabbairt
soluis do 'n t-saoghal, no mar a shoillsicheas coiuneal
seomar dorcha : agus is e an solus a ta teachd o 'n t-
soillse ghlòrmhor sin, do 'n chaithir, glòir Dhè. Las a
choinneal siu air uairibh gle dhorcha, bha i air a folach
fo shoitheach, ann an laithibh irioslachaidh ; ach an dràs
agus a rìs, gu 'n do chuir i mach cuid d' a dealradh soluis,
a dhall suilean an luchd-amhairc ; ach tha i nis air a
cur gu h-àrd, ann an caithir ar Dè, far am bheil i deal-
rachadh, agus far an deah-aich i gu saoghal nan saoghal,
ann an iomlaineachd glòire. Bha i air cur a thaobh, aon
uair mar a chloch a dhiultadh leis an luchd-togalach : ach
a nis tha i, agus bithidh i gu bràth, 'na solus no na soillse
do 'n chaithir sin ; agus sin, " cosmhuil ri cloich ro luach-
mlior, mar chloich iaspis, soilleir mar chriostal," ranu 11.
Cò d' an urrainn sonas nan naomh a smuaineachadh,
ann an seòmar-làthaireachd an Righ mhòir, far an suidh e
air a chaithir-rìoghail, a' toirt air a ghlòir taisbeanadh gu
ro-shoilleir anns an duine Criosd ! Tha làthaii-eachd ghras-
mhor a" deanamh atharrachadh mor anns na naoimh san
t-saoghal so ; Is èigin d' a làthaireachd ghlòrmhor ann an
nèamh an gràsan a thoirt gu iomlaineachd, agus an comas-
an àrdachadh. Tha fiosrachadh aig na naoimh, gu 'n dean
làthaireachd Dhè a nis 'na ghras, gnè do ifrinn 'na nèamh
bheag dhoibh : Cia mòr air an aobhar sin is èigin do ghlòir
nèimh a bhi, le a làthaireachd an sin ann an glòir ! Ma
ni coinneal, ana an càileigin do thomhas, maise chur air