Matheson Collection > Gaelic songster

GHAIDHEALACH.
Ach dh" t'halbh na bliadhnachan thairis,
'S gun ach faileas ann diùbh,
Cha 'n fhaicear sealgair air bearradh,
'S an cròcach maiseach roimh 'n chù ;
iVig Cluaidh fhuaraidh na reòta.
A chuir fo leòn mi 's a' chùil,
Gus an d' thàinig na Còmh'laich,
Le sunnd na h-òige 's e ùr.
Tiiàinig maighdean a' Ghlinne,
Bho Ruadhail linneach nam bruach,
Fhuair mi fàilte na h-òighe,
Le (hiais a dh' fhògair mo ghiuaim,
Culaidh chathach nan Gàidheal
Rei<lh, gun dàil a cuir suas,
'S rinn mi siùd mar a b' àbhaist
Gun chuimlin' air fàillinn no fuachd.
Tha geal 's dubh air do bhòidhclie,
Le sunnd na h-òig' ort gun bheud,
A's sèimheachd maise do nàduir
A' buan fhàs leat da rèir,
Eiridh tomhas iis ùr dheth,
Gach bliadhn' a chrùnas do bheus,
A's ruigidh beannachd o 'n bhàrd thu,
Gus an teirig Gàidhlig 'n a bheuh
Bha Mac-Dubli ann o 'n Ghàraidh,
'S cha ghràin anmoch a phòr,
A dh' fhàs o fhreumhach Chloinn-Laomain,
A ghleidh sibh daonnan 'n ar còir,
Dhion sibh Oighre na h-Airde,
Gun taing a'n àrfhaich nan spòl,
Bha mùgaich Shasuinn ga 'n ruagadh,
'S bu bheag a fhuaradh dhiubh beò.