Matheson Collection > Modern Gaelic bards

200 MODERN GAELIC BARDS.
Da shùil lasrach 'an clar aodainn,
Nach robh choimeas farasd fhaotainn,
Sròn cho fada ris an taobhan,
'S paidhir adhaircean air a cheann :
Dh' eirich mi gu grad air m' uilinn,
'S thug mi ionnsaidh air a' ghunna,
Ach cha d' thug e suim no umhaii.
Mar gu 'm b' iomhaigh umha bh' ann.
Spion mi bhoineid bharr mo bhathais,
Dh' aithris mi mo chreud 's mo phaidir,
Ghearr e leum is rinn e sraitheadh,
Mar fhuaim canain ann am chUiais :
Cheart cho fior 's tha sròn air m' aodann,
Chuala mi gu soilleir gleadhraich,
Mar gu 'm bithead tu a' slaodadh,
Slabhraidh chaol thar chlachan cruaidh.
Righ gabh agam ! Sin e rithist !
Thog mi 'n gunna 's leig mi ris i,
Dh' eirich e mar eun air ite,
'S teine drilsneach as a dheigh:
Le stoth pronnaisg 's toit an fhùdair,
Thuit mi seachad air an ùrlar,
'S 'nuair a dh' fhosgail mi mo shùilean,
Cha robh dùil leam ach mi-fhein.
Dh' fhàs a nis an oidhch' ro shalach,
Bhrùchd na tuiltean troimh na gleannaibh,
Fhreagair creag is beinn le farum,
Fuaim na gaillinn air an raon ;
Las aJi iarmailt suas mar fhùirneis,
Le tein'-athair ghathach, lùbach,
'Na dearg still mu chinn nan stùcan,
'Leum na spùt o thaobh gu taobh.
Ach, mu dheireadh, bhrist an latha,
'S thionndaidh mi mo cheum gu baile,
Thug mi sùil air cùl an tighe,
Dh' fheuch am faighinn lorg an laoich ;
Ach an àite crodhain Bhàtain,
Bhi r'am faicinn anns a' chlàbar,
'S ann a fhuair mi each a Ghàidseir,
Toll 'na mhàileid 's fuil mu 'n fhraoch.