Blair Collection > Eachdraidh a' Phrionnsa, no Bliadhna Thearlaich

[ 1C8 ]
eadar a dha chois a chum is nach faict' e, gus am
fàsadh an òidhche na bu doilleire, cha deach iad ach
tacan bho thìr 'nuair a ghabh Mac-Leòid beachd air na
neòil, thuirt e ris a' Phrionns' gu'n robh choltas air an
òidhche bhi fiadhaich, agus gu'm b' f hearr dhaibh fan-
tainn air sgàth an fhearainn gus an ath-fhreasgar.
Thuirt Tearlach air meud a chunnairt agus an dosgainn
da fuiligeadh e gu'm b' f hearr leis an cuan a ghabhail
na fuireach n'a b' fhaide far an robh e'n cunnart a bhi
air a chuartachadh le luchd-tòireachd.
Mar sin chum iad oirre, agus thachair direach mar
thubhairt Mac-Leòid ; thog na tonnan gàireach, càir-
gheal, an cinn le bairlinn bhristeach, a's ged a bha
Dòmhnuill tric a's mìnig a gabhail na linne eadar na
h-eileanan a's mòr-thìr, cha robh e òidhche no latha
riabh air Chuan-sgìth cho stoirmeil rithe so, agus bha
'n t-sian a dortadh a nuas mar dhìle, 's an oidhche cho
dòrcha is nach robh fios aig duine dheth an sgioba c'àit'
an robh iad, no ciod an t-eirthir a bha fo sròin. Bha
iad air uairean fo eagal gun rachadh am bàta tharais,
air uairean eile gun tuiteadh iad air cladach an Eilein
Sgiathanaich far a biodh iad gu lèir ann an làimh. Ma
shoillearachd an latha dh'aithnich iad gun robh iad air
eirthir an Eilein-f hada. Ghiùlain an stoirm iad ma thri
fichead mile' dh'uidhe, ann an ùine dheich uairean.
Chaidh iad air tir ann an Ros-innis an Uidhist a chinne-
deas, agus air dhaibh ani bàta tharruinn, ghlac iad bò,
ghrad spad iad i agus dheasaich iad pàirt dheth a feòil,
bha prais ac' anns a bhàta agus ceitheir peiceanan de
mhìn choirce.