Blair Collection > Eachdraidh a' Phrionnsa, no Bliadhna Thearlaich

[ 116 ]
robli a shamliail bho thùs an t-saoghail ann an
tìr sam bith air domhainn, mhair e sia seachduin-
ean ann am fearann nàimhdean, eadar dà àirmailt
a bha na h-uile h-aon diù a cheithir lionmhoiread ris
na Gàèil fèin ! Bha'n aimsir cho olc is gum bu leòir i
na h-aonar gu dòlas a thoirt an caramh luch-turais aig
nach robh ach ainmig ionad anns an cuireadh iad an
cinn fopa, gidheadh, bho'n uair 's chaidh iad thar na
crìche Sasunnaich, gus an tàinig iad a rithist a nall
oirr' cha do chaill iad dheth na chùig mìle fear, le
sgiorradh, teine, no claidheamh an nàmhaid, ach ma dhà
f hichead fear ! eadhon air an ruaig bha riaghailt agus
misneach dha'n leanmhuinn nach cualas iomradh a
bhi aig feachd ach iad fèin, agus an àite teicheadh le
breisleich ghiorragach ro 'n luchd-tòrachd is ann a
phill iad gu minig nan aodanu, ga'm piUeadh air 'n-ais
mar chaoirich ro mhadraidh. Ghiùlain iad bratach
Ghlinn'-Fianain astar cheud gu'n leth mile tro fhear-
ann làn nàimhdean, agus thug iad a rithist air a h-ais
i gun ghaoid gun bheud " tro mhìle gàbhadh agus
thorunn nan cath,"
Air faicinn do Dhiùc Uilleam gun do theich na Gàeil
à Sasuinn gu tìir mheas e iomchaidh Lunnainn a
ruidhinn a chum coinneamh a thoirt do'n arm Fhràng-
ach a bha e 'n dùil a bha gu thighinn air tìr air taobh
deas Shasainn, agus dh' fhag e'n t-arm-dearg fo cho-
mannda Sheanaileir Wade, agus Havcley. Dh' fhan
Wade le cuid dheth an arm anns an Chaisteal-Nogha
agus chaidh Hawley do dh' Albainn leis an earainn
eile.
Ri taobh Abhainn Esg roinn am Prionns' an armailt
na dà chuideachd. Chaidh aon chuideachd dhiu rathad