Blair Collection > Aig tigh na beinne

tuilleadh moille air na leigheasan a's faide 'thèid air ais, agu
a bu choitchionn am measg ar n-aithrichean.
TOBRAICHEAN SEUNTA.
Cuiridh e iongantas orra-san nach do ghabh suim do 'n chùis
a chluinntinn gu 'm bheil tobraichean seunta ri fhaotainn anns
gach ceàrn de 'n dùthaich, agus sin auns an fhicheadamh linn so,
a tha cho fad air aghart am foghlum agus lèirsinneachd.
Cha 'n 'eil fìos agam am bheil aon sglreachd anns a'
Ghàidhealtachd as eugmhais aon, Tha, mar is trice, creag os
a chionn, anns am bheil lagan air a chladhach air son nam
prìneachan, agus nam bonn bheaga airgid a tha air am fàgail
mar thabhartais.
Ri hnn an Ath-leasachaidh thugadh an aire gu 'n robh an
leithidean sin de thabhartais air am fàgail ; agus mar an
ceudna snaithnean agus criomagan aodaich air an crochadli
air na preasan mu 'n cuairt air na tobraichean seunta. Thug
a' chlèir oidheirp air a' chleachduinn a sguabadh glan às an
tìr, ach a dh' aindeoin nan ceudan bliadhna a tha air ruith o 'n
àm sin, cha d' fhuair e a bhàirlinn fhathast.
Tha cuid de àitean 's an dùthaich far am bheil leth-
chreideas air a thoirt do bhuaidhean nan tobraichean a nis
fhèin. Ged nach 'eil na criomagan aodaich air an cur air na
preasan, tha tabhartais eile air au toirt seachad ; cuid diubh
an da-rireadh ; cuid eile am feala-dhà, agus a mhàin a chumail
air aghart sean nòis.
Tha aon de na tobraichean sin aig bun Creag-Chuiriolain,
aig ceann Loch Creurann. Tha e 'n sealladh Ard-nan-Clach,
agus tha aon chlach mhòr a tha 'n a seasamh leatha fhèin ann
an dail, air a fàgail mar fhianuis air a' Chlachan a bha 'n sin
aon uair, agus a thug an t-ainm do Ard-nan-Clach.
Tha iomradh air an tobar so an sean leabhar* a tha 'g
innseadh gu 'm b' àbhaist do mhuinntir an àite dol g' a
ionnsuidh a dh' fhaotainn a mach co-dhiù a dh' fhàsadh aon a
* Dalziell's "Darker Superstitions of Scotland."