Marion Angus > Sun & candlelight

World’s Love
“ What gaed ye oot tae seek, my bonnie,
By the wanin’ mornin’ moon? ”
“ I gaed to seek the fairy howe
Whaur I danced in fairy shoon.”
“Ye cast your shoon fae ye, my bonnie,
Ye waded ower the ford.”
“ I heard my name cried on the hill
An’ kent my true luve’s word.”
“ What gae ye oot tae seek, my bonnie,
This hoor sae cauld and mirk? ”
“ A green, green grave whaur thistles wave
Near by Saint Mary’s Kirk.”
“ And is there nocht wull roose my bonnie
Sleepin’ sae deep an’ soun’? ”
“ O gin my bairn greet in the nicht
There’s nane s’all baud me doon.”