Glen Collection of printed music > Printed text > Scottish songs > Volume 1

113
The luver he gave her the tither kiss,
Syne ran to her daddie and tellt him this.
With a fal, dal, &c.
Your douchter wadna say me na,
But to yoursell she has left it a',
As we could 'gree between us twa —
Say what will ye gie me wi' her ?
Now, wooer, quoth he, I hae na mickle,
But sic as I hae ye'se get a pickle.
With a fal, dal, &c.
A kilnfu' o' corn I'll gie to thee,
Three soums o' sheep, twa gude milk kye ;
Ye'se hae the waddin-dinner free ;
Troth, I dow do nae mair.
Content, quoth Willie, a bargain be't ;
I'm far frae hame ; make haste, let's do't.
&c.
The bridal-day it came to pass,
With mony a blythsome lad and lass ;
But siccan a day there never was,
Sic mirth was never seen.
This winsome couple straikit hands ;
Mess John tied up the marriage-bands.
With a fal, dal, &c.
And our bride's maidens were na few,
Wi' tap-knots, lug-knots, a' in blue ;
Frae tap to tae they were bran new.
And blinkit bonnilie.
Their toys and mutches were sae clean,
They glanced in our lads's een.
With a fal, dal, &c.
Sic hirdum-dirdum, and sic din,
Wi' he ower her, and she ower him ;
K2