Glen Collection of printed music > Printed text > Scottish songs > Volume 1

112
Now, wooer, sin ye are lichtit down,
Where do ye win, or in what toun ?
1 think my douchter winna gloom
On sic a lad as ye.
The wooer he steppit up the house,
And wow but he was wondrous crouse !
With a fal, dal, &c.
I hae three owsen in a pleuch,
Twa guid gaun yauds, and gear eneuch — .
The place they ca' it Cadeneugh ;
I scorn to tell a lie :
Besides I hand, frae the great laird,
A peat-spat and a lang-kale yard.
With a fal, dal, &c.
The maid pat on her kirtle broun ;
She was the brawest in a' the toun ;
I wat on him she did na gloom.
But blinkit bonnilie.
The lover he stendit up in haste.
And grippit her hard about the waist.
With a fal, dal, &c.
To win your love, maid, I'm come here ;
I'm young, and hae eneuch o' gear ;
And for mysell ye needna fear,
Troth, try me when ye like.
He took aff his bannet, and spat in his chew,
He dichtit his gab, and he pried her mou'.
With a fal, dal, &c.
The maiden blush'd and beingit fu' law :
She hadna will to say him na ;
But to her daddie she left it a',
As they twa could agree.