Glen Collection of printed music > Printed text > Scottish ballads

24
Without all danger or delay.
Come hastilie to the Hai'law.
With him the braif Lord Ogilvie,
Of Angus sheriff-principal,
The constable of gude Dundie,
The vanguard led befoir them all.
Suppose in number they war small,
They first richt bauldlie did pursue,
And made their faes before them fall,
Wha then that race did sairly rue.
And then the worthy Lord Saltone,
The strong undoubted Laird of Drum,
The stalwart Laird of Lauristone,
With ilk their forces all and some,
Panmure, with all his men, did come.
The provost of braif Abirdene,
With trumpettis and with tuik of dmm,
Came shortlie in their armour sheen.
These with the Earl of Mar came on,
In the reirward richt orderlie.
Their enemies to set upon.
In awful manner, hardilie ;
Together vowit to live and die.
Since they had marchit monie myles,
For to suppress the tyrannie
Of doubted Donald of the Isles.
But he in number ten to ane
Richt subtilie alang did ryde.
With Malcolmtosh and fell Maclean,
With all their power at their syde.
Presumand on their strength and pryde,
Without all feir or ony awe,
Richt bauldlie battle did abyde,
Hard by the toun of fair Harlaw.