Glen Collection of printed music > Printed text > Scottish ballads

23
And, furthermair, he sent expresse,
To shaw his colours and ensenyie,
To all and sundrie, mair or less,
Throughout the bounds of Boyne and Enyie.
And then through fair Strabogie land
His purpose was for to pursue.
And whasoevir durst gainstand.
That race they should full sairly rue.
Then he bade all his men be true,
And him defend by fors and slicht,
And promist them rewards enew,
To mak them men of mickle micht.
Without resistans, as he said.
Through all these bounds he stoutly past,
Where some war wae, and some war glad ;
But Garioch was all aghast I
Through all these fields he sped him fast,
For sic a sicht was nevir sene ;
And then, forsooth, he langed at last
To see the bruch of Abirdene.
To hinder this proud enterpryse,
The stout and michtie Earl of Mar,
With all his men in arms, did ryse,
Even frae Crugarf to Craigievar,
And doun the syde of Don richt far.
Angus and Mearns did a' convene.
To fecht, orr Donald cam sae nar
The royal bruch of Abirdene.
And thus the martial Earl of Mar
Marcht with his men in richt array ;
Befoir the enemy was nar,
His banner bauldly did display .
For weel eneuch they kenned the way,
And all their semblance weil they saw,