Series 6 > Perth Kirk Session books, 1577-1590

428
THE PERTH KIRK SESSION BOOKS: 1589
Penultimo Septembris 1589
Comperis Robert Tailyeor and Kathrene Scherer and desyris their bannes
to be proclamit. Caution for the man James Lathriche, for the woman Jhon
Hutson.
Comperis Isobel Haly and confest hir adultery with Patrik Wilson in the paro-
chin of Findugask quha presentit ane testimonial of hir obedience to the said
kirk quha is ordanit that efter scho hes satisfeit the kirk of Findugask to report
[31r] the testimonial of the minister there of hir satisfaction as said is, and
thereftir becaus scho hes in sum part offendit this kirk and congregation to
present hir self in the repentance stule of this kirk in lyning clothes beirfiit
on ane Sonday after none in tyme of preitsching, for the performance of
the quhilk Thomas Jhoneston bower and burges of Perth became cautioner
under the pain of xx _£ and actit him self to this effect. (Isobel Haly)
Comperis Janet Makcarbry and confessis hir fornication with William
Duncan skynner and submittis hir to the disciphne of the kirk. (Janet
Makcarbry Sa.)
Ordains Bessy Robertson relict of Sir Robert Ritschy to have oulkly
amangis the ordinar puir xii d.
Sexto Octobris 1589
Forasmekill as at the playing of the kyllis in the North and South Indus the
saboth is brokyn and godis haly name profanit, ordains the bailyeis to cause
break them and not ther names that playis at them63 and gif them in to the
assembly ilk Mononday that thai may be punisit. (Kyllis)
Quhilk day the minister and elders of the burgh of Perth being for the
present convenit, considdering that thai can not aggrie with David Cowper
concerning the altragis of St Bryd and Sanct James, ordains the said David
to find ane sufficient caution and burges of this burgh and to act them in
the borrow court buik of the samyn to delyver to Andrew Donaldson and
James Adamson masters of hospital the sum of twenty merkes quhilk was
gevin to the said David in howp of aggriment, and the samyn to be delyverit
to the saidis masteres of hospital or their successores maisters of hospital at
Witsonday fourscoir ten yeirs under pane of doubling of the same. And
lykwayis ordanis the saidis maisters of hospital to delyver to the said David
the pecis, rytes, giftis, contractis, evidentis, and utheris hir [sic] wreittis of
They must break the wooden kyles, or skittles, spoiling the sport for weekdays as well
Sundays, and note the names of the players.