Series 6 > Perth Kirk Session books, 1577-1590

400
THE PERTH KIRK SESSION BOOKS: 1588
in tymes cuming. And he with his awin mouth desyrit that if ever heirefter
he suld be culpabill heirin the punisment foirsaid to be dublet.
Secundo Septembris 158840
Comperis Jhon Strannigle and Marion Donaldson and desyrs their bands
of marradge to be proclamit. Caution for the man Jhon Wanton, for the
woman George Robertson.
Comperis Henrie Hall and Cristane Richartson and desyris their bannes
of mariadge to be proclamit. Caution for the man Thomas Rollok, for the
woman Alexander Richartson.
Comperis Thomas Douglas and Margreit Smyth and desyris their bannes of
mariadge to be proclamit. Caution for the man William Kynpont, for the
woman William Drummond.
Comperis David Randy and Margreit Baquharnay and desyris their bannes
of mariadge to be proclamit. Caution for the man Alexander Randy, for the
woman William Clink.
[20r] Nona Septembris 1588
Comperis Bessie Gall and confessis hir fornication with Ritschie Macbene
servitor to the erle of Erroill quho haid last ado with hir thrie ulkes affoir
the xxv day of December and quha was lichter41 the thrid of August as scho
confessit. (Bessye Gall)
Janet Bell servand to Mr Jhon Anderson being called comperit and being
inquyrit gif scho knew ony think concerning the deal of Ritschie Macbene
with Bessye Gall dochter to Jhon Gall elder merchand, confessit that at
Candilsmess last at the command of the the [sic] said Ritschy past and brocht
the said Bessye fiirth ofWilliam Ross tailyeores house to the said Ritschie
quhere he remanit in hir maisters house and thai geid42 out at even in the
glouming43 togidder and scho knew not quhair.
Nans Thomeson medwyffe spouse to James Cudbert alias Damchord
wobster quha was present at the delyverance and birth of the said Bessy
40 The hand changes a bit here, the spelling rather more, through September 1588.
41 That is, she was lighter of a bairn: she gave birth.
« Went.
43 Dusk, twilight.