Series 6 > Perth Kirk Session books, 1577-1590

THE PERTH KIRK SESSION BOOKS: 1588
399
[19v] Octavo Julii 1588
Absences Andrew Malcom, Duncan Robertson
Ordanis Jhon Gall and his dochter Bessie Gall to be warnit to this day acht
dayis.
The bill gevin in be Janet Mitschell dochter to umquhill William Mitschell
on Janet Dallie is confessit be the said Janet and provin be sufficient witnes
therefor it is ordanit that the act of the buk maid anent flyters be put in
execution on the said Janet etc.
Comperis Jhon Gray and Margreit Broun and desyris their bandis to be
proclamit. Caution for the man James Donaldson, for the woman Thomas
Cok. (Mariit)
Comperis Cristan Maclawrey and confessis hir fornication with Andrew
Gibson and therefoir submittis hir to the discipline of the kirk.
Compers William Wysman and Marion Broun and desyrs their bandes to be
proclamit. Caution for the man William Blyt, for the woman Andrew Walter.
Decimo quarto Julii 1588
Ordanis Jhon Gall to present his dochter Bessye Gall this day acht dayis or
els to incur the penultie contenit in the act of parliament for not declaring
hir fact to the assembly and committing the fact in his awin house. (Jhon
Gall)
The haill assemblye present efter tryell of the bill gevin in be Jhon Lory
merchand against Bessye Kinglassy spouse to Thomas38 Ritschy be sufficient
witness scho hes be found giltye of all gevin in against hir. Thirfoir the act
maid anent flyters and sklanderers to be put in execution on hir, and hir
husband to mak satisfaction to the said Jhon at the sicht of the minister and
elders. (Kynglessye)
Archibald Steidman confessit his offence committit against [ ] Moir spouse
to [ ]39 and heirfoir submittit him selffe to the will of the minister and elders.
Thairfoir he is ordanit upon his kneise to ask forgeveness of his offence of
[ ] hir husband and hir confessing his offence promising never to do the lyk
38 See 16 Aug. 1585 for their banns. A blank space had been left for the forename, which was
written in later in a very faint ink.
39 Blank spaces left for the names.