Series 3 > Foreign correspondence with Marie de Lorraine, Queen of Scotland, from the originals in the Balcarres papers > Volume 7

LETTERS TO MARY OF LORRAINE
143
Si vous voyez, Madame, que le proiect que j’en ay faict
ne soit assez grand et suffisant pour sa grandeur et qualite,
vous le pouvez accroistre et augmenter ainsy que bon vous
semblera, mais il fauldra aussy donner ordre de le faire
entretenir et regarder les moyens d’y fournir de sorte que
rien ne demeure, car du couste de deca il n’en fault esperer
ny attendre aucune ayde par ce que le Roy diet que le
revenu du royaulme est bien petit s’il ne la peut entretenir.
Et quant a I’advenir ledict Seigneur ordonnera quelques
deniers par dela pour les fortisfications, ce sera a la charge
d’en prandre autant pardeca pour sa dispense. Voyla,
Madame, comme toutes choses ont este disposees et de-
liberees, tant pour Monsieur que pour mesdictes dames, et
au regard de Messieurs d’Orleans et d’Angoulesme1 il ne
leur demeure pour gouverneur que le Sieur de Montpipeau,
frere de M. de Cistron et le vieil Bleneau. Madame, vous
estes du tout appoinctee avec Madame la Marquise 2 la-
quelle, comme je vous ay desia escript, a myeulx ayme
pour sa part I’emeraulde que les aultres presantes qui
avoyent este mises a I’encontre et n’a voulu accepter 1’offre
d’argent que je luy en ay faicte, dont je suis bien fort aise
car cela n’euse pas donne grande monstre a la Royne vostre
fille qui a desia assez d’aultres semblables bagues. Et
advenant qu’elle se veuille parer, la congnoissant honneste
comme je faictz, je ne refuseray a luy prester des vostres et
puys s’il vous plaist luy aulmosner de celles que vous avez,
ainsy qu’il vous a pleu nous promettre, nous aurons moyen
de la faire bien jolye quant il en sera besoing. Et quant ad
ce que vous desirez Madame de Brien avoir les deux tiers
des meubles de feu M. de Longueville a cause de feue Ma¬
dame de Nemours,3 vpus vous trompez en cela car nous
avons veu le contract de son mariage, lequel en faisant
vostre appoinctement fut apporte dessus la table, et par
1 Messieurs cf Orleans et d’Angoulesme. Afterwards Charles ix. and Henri II.
The children of Henri II. here named are Fra^ois, born 1544 ; Elizabeth, born
1546 ; Claude, born 1547 ; Charles, born 1550; Henri, born 1551.
2 Madame la Marquise. Probably the Marquise de Rothelin.
3 feue Madame de Nemours. Charlotte d’Orldans, wife of Philippe de Savoie,
Duke of Nemours, sister-in-law of the Queen Dowager. She died in 1549.