Series 3 > Foreign correspondence with Marie de Lorraine, Queen of Scotland, from the originals in the Balcarres papers > Volume 7

LETTERS TO MARY OF LORRAINE
41
owed to the Rhingrave, and will try to have both debts settled by her.
The bearer will give all news. Written from Paris on the 8th April.
A LA ROYNE DOUAIRIERE d’eSCOSSE.
Madame, vous aurez entendu par les lectres que vous
ay escriptes par le Chevallier de Sevre 1 comme j’avoys
envoye ung homme devers Madame la duchesse vostre
mere pour luy faire bien au long entendre le contenu de
vostre intention. Laquelle a faict telle responce que vous
pourrez veoir par le double de sa lectre que je vous envoye
tellement quil n’a este possible de satisfaire a ce que portoit
vostre memoire de sorte qu’il a este besoing pour ne donner
occasion de mescontentement au Rehimgrave prendre de
1’argent de Monsieur I’embassadeur pour y satisfaire,
qui se monte ladicte partie douze cens soixante et cinq
livres, dix huict solz, neuf deniers, comme pourra veoir
ledict seigneur embassadeur par le double des quictances
que je luy envoye. Et parce, Madame, que Madame la
duchesse me mande au bout de sa lectre luy faire entendre
quelle somme pourra monter la partie du Rehimgrave je
luy escripray bien amplement et y mectray semblablement
celle de Monsieur Tembassadeur pour essayer de retirer
toutes les deux sommes. Et si je les recoy je les tiendray
prestz pour en faire ce qu’il vous plaira me commander.
Je vous supplie, Madame, tres humblement penser que en
cela et toutes aultres choses qui touchent a vostre service
je ne fauldray de m’y employer comme je y suis tenu.2
Quant aux nouvelles de par deca, la sufisance du porteur
me gardera vous en importuner par escript.
Madame, apres vous avoir presente mes tres humbles et
tres obeissantes recommandations je prieray le Createur
qu’il vous doint ce que desirez. De Paris ce viije jour
d’avril.
vostre tres humble et tres obeissant serviteur
De Mandosse
Endorsed, M. de Mandosse.
1 M. de Sevre. He is mentioned in Letter IV. It is possible that this may
be M. de Seure.
* The letter by De Mandosse gives the explanation of this letter (Letter XX.).