Series 4 > Stirling Presbytery Records 1581-1587

282 STIRLING PRESBYTERY RECORDS I581-I587
assemblie, berand the wordis follwing: The generall assemblie
ordanis the commissionaris to travell with the modefearis and to
sie the complenar weill providit or ellis with advys of the presbytery
to tak ordur for his transportatione quhair he may be provydit.
According to the quhilk and inrespect James Andirsone, minister of
Sterling, commissionar within thair boundis, hes according to the
said ordinance travellit with the modefearis to have gottin sum
augmentatione to the said Mr Arthur for his serveice bot gat na
thing, and als becaus it hes plasit the kingis majestic to gif him the
personage of Kinnell and thairfor detbund to sairve thair desyris
lycence of the brethrein to transport him self fra Airthe to Kynnell.
Quhilk commissionar being requyrit be the brethrein to testefie
the trewthe quhat he hes done in said mater, quha testefeis that he
hes done for his part according to the said Mr Arthuris declaratioun
in all pointis and obteinit na thing. Inrespect quhairof and berassone
the said Mr Arthur is detbund to serve at the kirk of Kinnell for the
caus foirsaid, thairfor according to the said ordinance of the generall
assemblie, the commissionar with the advys of the brethrein grantis
him libertie to transport him self fra the kirk of Airthe quhair he
presentlie servis to the said kirk of Kinnell, provyding alwayis that
he se the kirk of Airthe provydit of ane sufficient pastor befoir his
passing thairfra.
Adulteraris in Bathkenner, Harvy, Yung: The quhilk day ane
summondis beand producit dewlie execute and indorsit upone
William Harvy and Marione Yung, parrochinnaris in Bothkenner,
chairgeing thame to compeir the said day to heir and sie thame self
decemit to have committit adultrie and to undirly disceplein
thairfoir and to seperat thame selffis undir the paine of excom-
municatione, compeirit the said William and grantis that he was
mareit with Cathrein Car, quhome he allegis departit fra him the
speace of xx yeiris syne or thairby, and confessis that sen his said
manage he hes hade carnall copulatione with the said Marion Yung,
quha is presentlie with him in hous, quhilk William is ordeinit to
seperat him self fra the said Marione with all diligence and nocht
to repair to hir ony way under the paine of excommunicatione,
and that he compeir befoir the nixt synnodall assemblie of this
province haldin in the kirk of Sterling the iij day of October nixt
to ressave injunctionis to be adjonit to him for his said offence of