Series 4 > Stirling Presbytery Records 1581-1587

STIRLING PRESBYTERY RECORDS 1581-1587 28l
selffis meikill profetit thairby and was varie weill satisfeit thairwith,
for the quhilk thay praisit the Etemall, and thairfor desyrit the
brethrein to proceid in geving and pronuncein thair declaratur,
quhilk of the personis conteinit in the parrochinnaris supplicatione
thay find maist meit and qualefeit to accept the waightie burdein
of that ministrie within the said parrochun and to admit him
thairto, quhilk thay crave the brethrein maist ernistlie to do with
diligence that thair kirk be nocht destitut of ane pastour, as at mair
lenthe is conteinit, in the samin. With the quhilk, the brethrein
being advysit, the brethrein yit as of befoir hes ordeinit the said Mr
Henrie Levingston to teiche in the said parroche kirk of S. Niniane
upone Sonday nixt the xxiiij day of September instant, to the effect
that all present the said day may heir his doctrein quhairof it may
be that sum of thame have nocht hard him of befoir and that the
elderis and deacunis and utheris discreit personis of the said par¬
rochun be requyrit to convein in ane assemblie immediatlie eftir
the sermond, and thair eftir gude advysment declair to the com-
missionaris undirwrittin quhow thay ar edefeit with the said Mr
Henrie Levingstonis doctrein, and be quhilk of the doctreinis
teichit be the said Mr Henrie Levingstone or Mr Henrie Layng
thay ar maist edefeit, and farther to answer to sic thingis as thay
salbe requyrit of be our commissionaris, to wit, our brother Mr
Richard Wrycht and James Duncansone, our dark, or ony of
thame, and to caus report thair oppinionis faythfullie to us in our
nixt assemblie to be hauldin in the kirk of Sterling the xxvj day of
September instant be our said commissionaris with sum of thair
awin numbir to be conjoint with thame. Upone the quhilk ordin¬
ance, the brethrein ordanis [thair scrib, deleted; the moderator in
thair name becaus thair scrib is ane of the commissionaris abone
writtin (signed) J. Duncansone, substituted in margin] to direct
testificatione in wret, quhilk thay ordan the said Mr Henrie Leving¬
stone to notifie to the said parrochinnaris to be conveinit the said
day.
Mr Arthur Fethie: Compeirit Mr Arthur Fethie, minister at
Airthe, and producit ane ordinance of the generall assemblie, of
the dait at Edinburgh the xx day of May the yeir of God im vc
Ixxxvj yeiris, subscryvit be Mr James Richie, dark thairof (as
appeiris), upone the bak of ane bill producit be him befoir the said