Series 4 > Stirling Presbytery Records 1581-1587

252 STIRLING PRESBYTERY RECORDS I581-I587
hir with Johnne Knox in the said parrochun, and now be hit bill
gevin in to the particular sessione of the said kirk declairit hir self
penitent for the saidis offencis and offirit hir self in the will of the
kirk thairfoir and desyrit to be absolvit fra the said sentence and
ressavit againe in the bosum of the kirk, and thairfor the said
minister, in name of his particular sessione, desyrit the brethreinis
jugementis quhat answer thay sould gif to the said bill. The brethrein
ordanis the said minister and sessione to try the said Cristanis
repentence gif it be fenzeit or nocht according to the ordur usit be
the kirk in sic materis, quhilk repentence beand fund unfenzeit that
the said minister absolve hir fra the said excommunicatioun,
according to the ordur, and thaireftir to compell hir compeir
befoir the presbytery to ressave farther injunctionis to be injonit
to hir for hir saidis offencis, according to the ordur.
Hendirsone contra Forester: The quhilk day ane summondis beand
producit be Johnne Hendirsone, yunger, dewlie execute and indorsit
upone Hellein Forester, dochtir to umquhill George Forester in
Schiphaught and Hellein Donaldsone, hir mother, chairgein thame
to compeir the said day to heir and sie thame selffis decemit to be
excommunicat for thair contemp and disobedience to the kirk, as at
mair lynthe is conteinit in the said summondis, compeirit the said
Hellein Forester and Hellein Donaldsone, hir mother, quha being
accusit for thair disobedience being twa severall tymis of befoir
lauchfullie summond and wald nocht compeir, thay answerit the
occasione thairof was be ignorance and knew nocht that thai aucht
to compeir befoir ony assemblie bot the particular assemblie of thair
awin parroche kirk. Nochttheles, thay offir thame selffis in the will
of the kirk thairfoir. Inrespect quhairof, the brethrein continewis
all farther proceidein for the said disobedience againis thame quhill
thay be farther advysit. Farther, the said Hellein Forester and hir
mother being examinat upone the caus quhairfor thay war first
summond, to wit, quhy thay desyr nocht manage to be solemnizit
betuix the said Johnne Hendirsone, yunger, baxter, and the said
Hellein Forester, according to ane mutuall promeis made thairanent
be thame with consent of thair parentis in presens of the reder of
Sterling, it was ansorit be all the saidis personis that they confessit
the samin promeis of mariage was made withe consent, as said is.
And the said Hellein Donaldsone allegit the stay thairof was only