Series 4 > Stirling Presbytery Records 1581-1587

STIRLING PRESBYTERY RECORDS I581-I587 251
offeice in the ministrie, as effeiris, according to the ordinance of the
last synnodall assemblie of this province made thairanent, compeirit
William Sterling and allegit that he is alreddie examinat in his
habilitie schort syne and as yit hes nocht gottin declaratur of
the brethrenis jugementis thairupone and thairfore desyrit the
brethreinis jugementis gevin alreddy upone his former tryell to be
veseit and the extract thairof gevin unto him. The brethrein thinkis
gude that thair jugementis gevin on the said tryell tane be revesit,
and appointis the xvj day of May instant to pronunce thair declaratur
thairupone, the said William wamit thairto apud acta.
Mr Adame Merschell: Compeirit Mr Adame Mairschell and
offiris him self to tryell. The brethrein, undirstanding that as yit
he hes nocht teichit on the last text that was appointit to him on
the first day of November last bypast, thairfor ordanis him to teiche
on ony Tuisday he plasis betuix and the xxiiij day of Junij nixt on
the samin text, viz., the xj chaptur of S. Mathowis evangell,
beginning at the 27 vers thairof to the end, and that privallie in
forme of exerceis.
Richard Fleming: The said Richard Fleming being oft tymis callit
compeirit nocht, hot for excuis of his absence thair was ane wreting
producit subscryvit be the said Richard, as appeirit, berand in effect
that he doth nather ryd nor gang berassone of infirmitie and
seiknes and that he may nocht resort to our presbytery becaus he
is nocht ablle of body nor yit hes expensis to travell with, beseiking
thairfor the brethrein to suffir him remane with the presbytery of
Linlythquow quhair he was befoir, as at mair lynth is conteinit in
the said wreting. Inrespect of the quhilk wretein, the brethrein
acceptis the samin as for lauchfull excuse for his absence this day
and continewis farther tryell of the trewthe thairof to Andro
Foresteris presens, quha dwellis nixt to him.
Patrik Layng: The said Patrik Layng being oft tymis callit
compeirit nocht. Thairfor the brethrein ordanis the said Patrik to
be summond of new to the effect foirsaid litteratorie undir the paine
of excommunicatioun.
Cristane Jarvy, adultrix: The quhilk day Patrik Gillaspie, minister
at S. Ninianis kirk, declairit to the brethrein that forsamekill as
Cristane Jarvy, parrochinnar of the said kirk, was excommunicat
for disobedience to the kirk conjonit with adultrie committit be