Series 4 > Stirling Presbytery Records 1581-1587

STIRLING PRESBYTERY RECORDS I581-I587 201
Mr Andro Yung, Alexander Fargy, Mr Alexander Chisholme and
Robert Mentayth, ministeris; Robert Alexander, elder; Maisteris
Alexander lull, Andro Murdo, brethir of exerceis; and William
Stirling, reder.
William Stirling: The quhilk day compeirit William Stirling,
reder, quha being accusit be the moderator for mareing of Jonet
Hay, adultrix, with Thomas Thomson, husband to [blank] on Andro
Smart in Kippen, the kirk nocht beand satisfeit be the said Jonet
for hir adultrie. The said William Stirling confessit he mareit the
saidis personis bot allegis the said Jonet satisfeit the kirk according
to Mr Andro Grahamis ordinance, beand commissionar for the
tyme, and confessis that scho compeirit nevir befoir the synnodall
assemblie for the said caus. Secundlie, the said William being
accusit for baptezein of ane baime gottin in fomicatioun be Gilbert
Graham, servand to David, commendatar of Dryburgh, in Striviling
on Agnes Allane (the parentis quhairof having nocht satisfeit the
kirk) thairfoir, the said William confessit the baptezein of the said
baime bot allegit that the said Gilbert hade fund cautioun to him
that he and the woman sould satisfie the kirk of Striviling for the
said offence. Thridlie, the said William being accusit for mareing of
Johnne Duthie in Boquhen and Jonet Maclun, parrochinnaris of
Sanct Ninianis kirk, in the kirk of Kippen without testimonial! of
the lauchfull proclamatioun of thair bannis in the said parroche
kirk, the said William grantit the said mariage, as said is, bot
allegit that the said Johnne Duthie promesit to delyvir him the said
testimonial! subscryvit on the same day eftir none that thai war
mareit on. Fourtlie, the said William being accusit for mareing of
Johnne McNair in Abirfoull and Margaret Campbell in Port within
the kirk of the Port within the tyme of the last generall fast, viz.,
on the Twysday efter the first Sonday of the fast expres againis the
actis of the generall assemblie, the said William confessit the samin
bot allegit he did it thruch ignorance. The brethrein continewis
thair jugementis on the premisis quhill thay tak farther tryell of the
said William Stirling.
Thomas Murdo allegit adulterar: The quhilk day ane summondis
beand producit deulie execute and indorsit upone Thomas Murdo,
husband to Doratie Buchannan, allegit adulterar with Euffame
Waltir, chairgeing him to compeir the said day to answer at the