Series 4 > Stirling Presbytery Records 1581-1587

200 STIRLING PRESBYTERY RECORDS I581-I587
to all the presbyteriis within this realme of the said excommuni-
catioun and the causis thairof, desyrand thame to cans intimatioun
thairof to be made, as effeiris, in everie ane of thair parroche kirkis
as thai and everie ane of thame will answer to the generall assemblie
of the kirk.
Yung Fintrie excommmicat: The quhilk day compeirit Johnne
Duncanson, minister to the kingis majestic, and declairit to the
brethrein that he was commandit be the brethrein of the presbytery
of Edinburgh to mak intimatioun to this presbytery lyk as he
presentlie makis intimatioun that David Grahame, apperand of
Fintrie, was excommunicat in the parroche kirk of Dundie be
William Cristeson, minister thairof, on the xv day of December
last bypast for his feirfull apostacie fra the trew religioun of Jesus
Christ professit in Scotland to papistrie and superstitioun, and for
his abyding thairat, as at mair lynthe is conteinit in the proces
deducit thairanent againis him, and desyrit the brethrein of this
presbytery to caus intimatioun to be made within thair boundis as
effeiris. According to the quhilk desyr, the haill brethrein within
the boundis of this presbytery ar ordeinit to mak dew intimatioun
in ilk ane of thair parroche kirkis respective of the said excommuni-
catioun and causis thairof, certifiand all personis that conferris or
interteneis him ony manir of way that the censuris of the kirk salbe
execute againis thame with all vigour.
William Lochart: The quhilk day ane summondis beand producit
deulie execute and indorsit upone William Lockart, tailyour,
chairgeing him to have compeirit befoir this sessioun the said day
to heir and se the jugementis of the brethrein thairof pronuncit
anent the thingis concerning religioun, quhairof he was tryit
befoir the particular sessioun of the kirk of Striviling, and to
undirly disceplein according to his demereittis undir the paine
of disobedience, quhilk William being oft tymes callit compeirit
nocht. Thairfor the brethrein ordanis the said William to be
summond litteratorie to the effect foirsaid undir the paine ofexcom-
municatioun.
At Striviling the xj day of Fabruar, 1583
Presentes: Patrik Gillaspie, James Andirson, Mr William Stirling,