Series 4 > Stirling Presbytery Records 1581-1587

172 STIRLING PRESBYTERY RECORDS 1581-1587
Robert Fogo: The quhilk day compeirit Robert Fogo in Doun,
reder at the kirk of Kilmadok, and offirit him self to be tryit in
his reding and of his lyf and conversatioun as he was ordeinit on
the iiij day of Junij last bypast, the moderatour in name of the
brethir askit the said Robert quhy he compeirit nocht on the xxv
day of the said moneth of Junij as he was thane ordeinit to have
gevin ane tryell of his redein and to have hard and sein tryell of
his lyf and conversatioun. The said Robert ansorit that sen the
said iij day of Junij he mycht nocht cum in this toun ontrublit be
warding or uthirwayis for certane mony addettit be ane man in
Mentayth for quhome he became cautioner to ane man in this toun
quhill now that he hes aggreit with the man quhom to the silvir
was awand, quhilk nocht onlie wald have bein trubill to him bot
also sclanderus to the kirk he berand offeice in the same, quhilk
excuse allegit be the said Robert was knawin be sum of the brethir
present to be trew and thairfor the brethrein dispensis with the said
Robertis absence the said day and wamis him apud acta to compeir
on the x day of September instant to gif ane tryell of his reding
and to heir and se tryell tane of his lyf and conversatioun, undir
the paine of deprivatioun.
At Striviling the x day of September, 1583
Presentes: Mr William Stirling, James Andirsone, Patrik Gillaspie,
Mr Andro Yung, Mr Arthur Futhie, Alexander Fargy, Robert
Mentayth, Michaell Lermonthe, ministeris; William Stirling,
Robert Fogo, rederis; Alexander Forester of Garden, elder, and
William Norwall, elder; Mr Alexander lule, ane brothur of
exerceis.
Robert Fogo deprivit simpliciter: The quhilk day being assignit to
Robert Fogo, reder at the kirk of Kilmadok, to compeir and gif ane
tryell of his reiding and to heir and se tryell tane of his lyf and
conversatioun, compeirit the said Robert personallie to quhom was
cassin up ane chaptur in the New Testament and commandit to
reid the same and eftir reiding of ane portioun thairof thair was
gevin to him twa prayeris in the psalme buik to reid. Eftir reiding
of the quhilkis, the brethrein being ryplie advysit findis the said
Robert Fogo can nocht proffeit the kirk of God be his reiding