Series 4 > Stirling Presbytery Records 1581-1587

STIRLING PRESBYTERY RECORDS I58I-I587 171
Mr Andro Grahame: The quhilk day ane summondis beand pro-
ducit deulie execute and indorsit upone Mr Andro Grahame, bischop
of Dunblane, chairgeing him to have compeirit the said day to heir
and se the brethrein proceid quhair thay left anent the tryell of him
according to the act of the generall assemblie, viz., to produce befoir
thame the said day ane auctentik register of the haill fewis and takis
sett be him of the fruictis of the said bischoprik sen his enteres
thairto and in speciall the fewis and takis set to my lord Grahame,
the Maister of Mar and the Maister of Levingstoun to be sein and
considderit be thame and to heir and se thair jugementis pronuncit
anent the same undir the paine of disobedience, quhilk Mr Andro
being oft tymis callit compeirit nocht, thairfor the brethrein ordanis
the said Mr Andro to be summond of new litteratorie to the effect
foirsaid undir the paine of excommunicatioun, with certificatioun
and he compeir nocht the brethrein will proceid according to
Goddis Word and the disceplein of the kirk.
Prophanaris of the Sabbothe,Johme Drummond, Patrik Wilsone: The
quhilk day, it was meinit to the brethrein be Mr Alexander Chis-
holme, minister at Muthill, that upone Sonday the first of this instant
he beand instantlie passand in the kirk of Muthill to mak the
sermond, Johnne Drummond alias Denmark, and Patrik Wilsone
drawis swordis in the kirkyaird and thairby makis trubill amangis
the haill congregatioun, prophanis the Sabboth day thru the quhilk
themaist part of the said congregatioun war withdrawin and hauldin
fra the sermond to the grit hinderance of Godis glorie and evill
exampill to utheris to do the lyk. The brethrein ordanis the saidis
personis to be summond litteratorie to answer at the instance of the
kirk for the caus foirsaid and to undirly disciplein thairfoir, ilk
persone under the paine of disobedience.
Patrik Layng: The quhilk day Patrik Layng being desyrit to
declair gif he hes baptezit ony baimis gottin in adultrie or fomi-
catioun (the kirk nocht beand satisfeit with thair parentis) sen he
was last accusit or nocht, and in speciall gif he baptezit Margaret
Bruce baime gottin on hir in adultrie, as is allegit, be Robert Bruce
of Clakmannan, the said Patrik confessis he baptezis baimis lauch-
fullie gottin and teichis as he usit of befoir, inrespect of his appel-
latioun fra the brethreinis jugementis, bot denyis simpliciter the
baptezein of ony bairnis unlauchfullie gottin sen the tyme foirsaid.