Series 4 > Stirling Presbytery Records 1581-1587

106 STIRLING PRESBYTERY RECORDS I581-I587
takis foirsaidis to the same effect foirsaid undir the paine of dis¬
obedience.
Mr Andro Grahame: The samin day the said Mr Andro Grahame
beand accusit gif he hade teichit or ministrat the sacramentis in his
awin kirk of Dunblane at ony tyme sen the xix day of Fabruar last
to this present or nocht, the said Mr Andro answerit that he was swa
occupyit with making answer to the act of the generall assemblie to
the brethrein that he could have na tyme to studie and thairfor
confessit he hade teichit nane nor yit the [sic] ministrat the sacra¬
mentis sensyne hot promesis to amend in tymis cuming.
Anent thingis to be registrat in the buikis of disceplein: The quhilk day
it is statute and ordeinit that ilk minister caus register in buikis, ane
or ma, all mariagis made be him, all bairnis baptezit be him, all
personis that deis within the parrochun, and the almus collectit for
the puiris at the kirk duir, with the distributioun thairof, and suirey
keipit.
The buikis of disceplein salbe producit: The same day it is ordeinit
that ilk minister produce his buik of disceplein with the register of
the foirsaidis befoir the brethrein of the presbytery at twa sindrie
tymes in the yeir, viz., on the secund Twysdayis of Merche and
September to be veseit and considderit be thame and delyverit againe
to the minister, keipar thairof.
Buikis off disceplein: The quhilk day the buikis of disceplein of the
parrochunis of S. Ninianis kirk, Airthe, Logy and Abirfoull was
veseit and admittit and delyverit againe to the ministeris of the said
parrochunis.
Upone the ij day of Aprill the brethrein was absent at the synno-
dall assemblie of this province and thairfor na thing was done.
At Striviling the ix day of Aprill, 1583
Presentes: James Andirsone, Johnne Duncansone, Patrik Gillaspie,
Mr Alexander Chisholme, Mr William Stirling, Mr Arthur Futhie,
Robert Mentayth, Mr Andro Yung, Michaell Lermonthe, Alex¬
ander Fargy, ministeris; Alexander Forester off Garden, Mr James
Pont, Duncane Name, Umphra Cunynghame, elderis; and Mr
Alexander lule, ane brothur off exerceis.