Series 4 > Stirling Presbytery Records 1581-1587

STIRLING PRESBYTERY RECORDS 1581-1587 69
have contravenit the ordinanc of the brethrein, as at mair lynthe is
conteinit in the summondis producit thairupone, compeirit the said
Thomas Johnesone and confessit his disobedience and contravening
of the ordinance befoir specefeit, and thairfor is ordeinit be the
brethrein to entir to the plaice appointit for penitenttis within his
parroche kirk of Sanct Niniane the nixt Sonday, and swa to continew
ilk Sonday thaireftir to the nixt synnodall assemblie of this province,
viz., the secund day of Aprill nixt undir the paine of excommuni-
catioun with certificatioun and he failze we will direct summondis
simpliciter for pronuncing of the sentence [of] excommunicatioun
againis him. The said Johnne Waltir, being oft tymis callit, com¬
peirit nocht. Thairfor the brethrein decemis him to have contravenit
the said ordinance and thairfor decervis to be execute and pronuncit
againis him the paine thairin conteinit, viz., the sentence of excom¬
municatioun, and ordanis him to be summond to heir and se him
self decemit to be excommunicat for his contemp and disobedience,
with certificatioun and he failze, we will proceid and decern him to
be excommunicat, as said is, according to the Word of God and
disceplein of the kirk, havand the warrand thairof thairin.
At Striviling the xxv day of December, 1582
Presentes: James Andirson, Mr Andro Yung, Mr Andro Grahame,
Mr Alexander Chisholme, Mr William Stirling, Patrik Gillaspie and
Michaell Lermonthe, ministeris; Mr Duncane Nevein, Mr James
Pont, Mr Alexander lule, Alexander Forester of Garden, Umphra
Cunynghame, commissar of Striviling, Robert Alexander,
William Norwall and Duncane Name, elderis.
Mr Andro Grahame: The quhilk day Mr Andro Grahame made
the exerceis according to the ordinance in the last sessioun on the
ordinarie text of exerceis, quhilk begouthe in the first chaptur of the
epistill wrettin to the Ephesianis at the 13 vers and red to the xv vers
of the samin exclusive, and inquisitioun of his doctrein being tane
was fund sound and proffitablle, and was admonesit to exerceis him
self mair diligentlie in tyme cuming nor he did befoir, quhilk he
promesit to obey.
Mr Andro Grahame: In the terme assignit to Mr Andro Grahame
to answer to the heddis conteinit in the act of the generall assemblie,