Series 4 > Stirling Presbytery Records 1581-1587

68 STIRLING PRESBYTERY RECORDS 1581-1587
Grahame to answer to the accusatiounis conteinit in the act of the
general! assemblie that the brethrein may juge thairon, thinkis gude
and ordeinis the said Mr Andro to mak the exerceis the said day
to the effect the brethrein may juge on his doctrein alsweill as
uthirwayis conforme to the said act.
Mr Arthur Futhie: Compeirit Mr Arthur Futhie, minister at
Airthe, and acceptit on him offeice and plaice in this presbytery be
solem promeis in the presens of God, his hand haldin up faythfullie
to execute his offeice in teching of the Word of God, ministratioun
of the sacramentis and executioun of disceplein according to the
same Word unto the end of his lyf, as alswa in exercesing with the
brethrein and concuring with thame be his avys and jugement for
tryell of sic thingis as salbe trettit in the presbytery as it sail plais God
to minister unto him the giftis of his Holie Spirit.
William Scott: The quhilk day William Scott, allegit to be
admittit minister at the kirk of [blank], was desyrit gif he wald gif
ane pruf of his doctrein to the brethrein quhairbe thai mycht knaw
gif he could proffeit the flok quhomunto he was committit in
teiching of the Word [of] God or nocht, answerit that glaidlie he
wald gif thame ane prufe of his doctrein on sic text as thai wald
appoint to him. The brethrein ordanis him to teiche privellie in the
minister of Strivilingis chalmir on the xxix day of Januar nixt tocum,
and that on the last part of the last chaptur of the evangelist Mathow.
Adulterar in Muthill: The quhilk day compeirit Andro Mcllroy,
parrochinnar in Muthill, and confessit him self mareit with Marione
Gallway quha levis yit and that he hes gottin ane bairne by hir in
adulterie with Agnes Sword, quhilk bairne was home in November
last, for the quhilk fault the brethrein ordanis the said Andro to pas
to the nixt synnodall assemblie of this province to be haldin in
Edinburgh the secund day of Aprill nixt, and in the mentyme
ordanis and commandis the said Andro to separat him self fra the
said Agnes Sword and remane fra hir societie and company under
the paine of excommunicatioun.
Adulteraris in S. Ninianis parrochin: The quhilk day ane summondis
producit lauchfullie execute and indorsit upone Thomas Johneson,
adulterar with Margaret Murray, and Johnne Waltir, adulterar with
Jonet Clark, chairgeing thame to compeir the said day to answer at
the instance of the kirk and to heir and se thame selffis decernit to