Books and other items printed in Gaelic from 1871 to 1900 > Cuairt an eilthirich, no, Turas a' Chriosdaidh

TURAS a' chriosdaidh. 123
Beag-creideimh sa' cheann, agus leag a' bhuille chum
an làir e, far an robh e 'na shìneadh a' call fhala mar
gun sileadh e gu bàs. Bha na mearlaich 'nan seasamh
làmh ris; Ach thuig iad ma dheireadh gu'n robh
muinntir am fagus, agus bha eagal orra gu'm b'e fear
d'an goirear Mòr-ghràs, a bha thàmh ann am baile
Sàr-mhuinghinn a bh' ann, thàr iad as le cabhaig, agus
dh'f hàg iad an duine bochd gu deanamh air a shon fèin
Tamull beag an deigh sin thainig Beag-creideimh d'a
ionnsaidh fèin as an tàimhneul a chuireadh air, agus
dh'èirich e gu ionnsaidh a thoirt air imeachd air a
thuras.
Ciatach. Ach an tug iad uaithe gachni a bh'aige ?
Criosdaidh. Cha tug : cha d'amais iad air an àite san
robh a sheudan, agus dh'fhan iad sin aige- Ach chaidh
ìnnseadh dhomh gu'n robh e ro-bhrònach air son a
challdaich a thainig air; oir thug iad uaithe a chuid bu
phailte de na bha ri cosg air air a thuras. Bu sheudan
a chuid nach d'f huair iad, agus ro bheagan airgeid ;
agus b' eigin da bhi 'g iarraidh na dèirce mar bha e triall
air aghaidh: oir cha'n fhaodadh e a sheudan a reic.
Ciatach. Ach nach b'iongantach nach d'fhuair iad a
theisteanas, leis an ghabhta ris aig an dorus nèamh-
aidh ?
Criosdaidh. B' iongantach : ach cha d' amais iad
air ; ged nach ann a thaobh aon seòltachd a ghnàth-
aich e-san a thachair sin ; oir bha na h-uirrid eagail air
rompa 's gun deach e gu tùr' na bhreislich, ionnas
gur e'm freasdal a dh' òrduich gu'n do sheachainn iad
sin. 2 Tim. i. 14.
Ciatach. Ach bu rudaigin sòlais dha nach d'fhuair
iad a sheudan. 2 Pead. i. 9.
Criosdaidh. Dh'f haodadh e bhi 'na shòlas mòr dha,
na'n deanadh e mar bu chòir dha ; ach mar chaidh aithris
domhsa, cha d' rinn e ach beag feuma dhiù air an
t-slighe, leis a mhaoim a ghabh e chionn gu'n do chaill
e a chuid airgeid ; dhi-chùimhnaich e rè a chuid bu mhò
de'n astar gu'n robh iad idir aige.