Books and other items printed in Gaelic from 1871 to 1900 > Cuairt an eilthirich, no, Turas a' Chriosdaidh

42 TUKAS a' chriosdaidh.
Cràbhadh. Ciod abhrosnaich thu air tùs gu d' bheatha
a chaitheamh mar so?
Criosdaidh. Cho'-eignicheadh mi gu m' thìr f hàgail,
le sanus eagalach a thugadh dhomh, gu'm bithinn air mo
chall gu tùr nam buanaichinn far an robh mi.
Cràbhadh. Ach cionnas a thachair e gu'n tainig thu
as do thìr an rathad so ?
Criosdaidh. 'S e Dia stiùr mi ; am feadh a bha mi
fo eagal gu'n rachadh mo chall, cha robh fios agam cia'n
taobh a rachainn ; ach thainig duine am' ionnsaidh, am
feadh a bha mi air bhall-chrith agus a' caoineadh, d'am
b'ainm Soisgeulach, agus sheòl e dhomh an t-slighe
chum an doruis chumhainn, ni air atharrachadh nach
robh mi comasach air f haotainn, agus stiùr e mi air
an rathad a threòraich mi dìreach chum an taighe so.
Cràbhadh. Ach nach tainig thu dh'ionnsaidh taighe
an Fhir-mhìnichidh ?
Criosdaidh. Thainig, agus chunnaic mi nitheann'a
bhios a'm' chùimhne ri m' bheò : gu sònraicbte tri
nithe, 's iad sin, mar tha Criosd a' cumail suas obair a
ghràis anns an anam a dh'aindeoin air Sàtan : mar
chaill an duine a dhòchas ri tròcair Dhè le buanachadh
'na pheacadh : agus mar an ceudna aisling an fhir air
leis a chunnaic gu'n tàinig latha bhreitheanais.
Cràbhadh. An cual' thu e 'g innseadh bhruadair.
Criosdaidh. Chuala, agus b'uabhasach e; air leam
gu'n chuir e crith orm am feadh a bha e ga innseadh ;
ach 's math leam gu'n cuala mi e.
Cràbhadh. An e sin na chunnaic tu aig a thaigh?
Criosdaidh. Cha'n e idir ; thug e mi far am faca
mi lùchairt mhaiseach, agus mar bha'n sluagh a
bh'innte air an èideadh le h-òr ; agus cionnus a thainig
duine foghainteach, a chaidh a staigh a dh'aindeoin nan
daoin' armaichte a bh'aig an dcrus gu chumail a mach ;
agus mar bha e air f huran gu dol a staigh a chosnadh
glòir shiorruidh. Bha na nithe sin ro-thaitneach leam !
Dheonaichainn buanachadh aig a thaigh fad bliadhna ;
ach bha ftos agam gu'n robh ni b'fhaide agam r'a dhol.