Books and other items printed in Gaelic from 1871 to 1900 > Iomradh air craobhsgaoileadh an t-soisgeil

370
EAGLAIS SHAOR NA H-ALBA.
[October 1, 1880.
A' GHAIDHE AL T ACHD AGUS NA H-EILEANA.
AN OBAIR AM MEASG NAN IASGAIR— INBHEARUIG.
Bha àirearnh lionmhor de iasgairibh Gaidhealach
arms a' bhaile so, mar a 's gnàthach leo, aig iasg-
achd nan sgadan : agus a rèir cleachdadh ar
n-Eaglais chuireadh teachdairean suidhichte a
shaothrachadh 'n am measg. Aig toiseach an
iasgaich fhritheileadh Focal an Tighearna dlioibh
le Mr. Dempster à Liabost ; agus 'n a dhèigh-san
thainig Mr. Uilleam Ros a Baile-Bhòid, a dh' fhan
maille riu gus an d' fhàg iad am bade. Bha na
Gaidheil, mar a 's àbhaist doibh, a' feitheamh gu
riagliailteach air na meadhonaibh gràis, araon air
an t-Sàbaid, agus air feasgairibh Dhe-Sathuirn
'n uair a bha iad saor o sheirbhis na mara. Bha
mòr thaitneas aig na teachdairibh a chuireadh
d'an ionnsuidh ann am faicinn nan coimhthional
mora, agus stòlda, a chruinnich air an t-Siibaid,
agus a dh' èisd le ro-aire ri searmonachadh an
t-soisgeil. Cha robh an taitneas idir na bu lugha
ann am faicinn àireamh co lionmhor a' frithealadh
nan coinneamh urnuigh ; agus ann an comunn a
mhealtuinn aig caithir-gràis ri Fear-eisdeachd na
h-urnuigh, agus ri iomadh aon d' a shluagh, d' an
gnàth bhi a' feitheamh air.
Cha-n 'eil sinn ag innseadh ach seann naigh-
eachd, ma their sinn gu-n robh na coigrich o 'n
Ghaidhealtachd 'g an giùlan fèin gu stuama deadh-
bheusaeh, o 'n leth am muigh. Gu ma fada bhith-
eas an sgeula ceudna r'a innseadh m'an timchioll !
Cha-n fheud sinn, gu dearbh, a ràdh gu-n robh
iad uile mar 'bu choir dhoibh a bhi : gidheadh
is ainmig a gheibhear sluagh co lionmhor, air
cruinneachadh aig obair sam bith, air am faicear a
leithid de rian 's a chithear air na h-iasgairibh
Gaidhealach.
Is doilich leinn a chluinntiun gu bheil £500,
de fhiachaibh fathasd air Eaglais nan Gaidheal 's
a' bhaile so, ged a rinn Mr. Ros agus cairdean eile
an uile dhichioll chum na fiachan fhaighinn air
am nàigheadh. Nach feudadh na Gaidheil fèin
oidheirp ghreimeail a thoirt chum an tigh-aoraidh,
a cheannaicheadh air an son, a shaoradh o 'n uall-
aich so fo 'm bheil e nis 'n a luidhe ? Na 'n
tugadh gach aon de she ceud deug iasgair leth-
chruin am fear air son an aobhair so, ruigeadh an
t-suim d& cheud punnd Sasunnach. Air an dòigh
so dh'fheudadh iad fein, ann an tri bliadhua, na
fiacha gu h-iomlan a sguabadh air falbh : agus
cha bu bheag an taitneas dhoibh an Eaglais aca
bhi saor.
Liabost.
Anns a' bhaile so agus m'a thimchioll, bha air a :
bhliadhna so mu she ceud iasgair o 'n Ghaidhealt-
achd ; agus b'iad na teachdairean, a chuireadh le
Comunn Ghaidhealaich ar n-Eaglais, a chuideach-
adh le ministeir na sgire aig am an iasgaich, Mr.
Mac Aoidh à Baile-Mairi, agus Mr. Falconer à
Innis-nan-lion. Aig tùs an iasgaich, bha Mr. D.
C. Mac Coinnich, searmonaiche, a' seasamh àite
Mhr. Dempster a bha e fèin, aig an àm sin, a'
frithealadh do na Gaidheil ann an Inbhearuig.
Mar a mheasadh iomchuidh, bha na teachdairean
so eatorra a' frithealadh do choimhthional a' bhaile,
agus do na coigrich a bha air chuairt ann.
Bha dà shearmoin Ghaelig ann do na coigrich
gach Sàbaid, agus coinneamh urnuigh ; maille ri
coinneamh urnuigh air feasgair Dhe-Sathuirn :
agus thaisbean na Gaidheil an speis do Fhocal an
Tighearna le bhi gu riaghailteach ag eisdeachd a
shearmonachaidh, agus le bhi a' cruinneachadh an
eeann a chèile a thagradh ris fèin air son a bheann-
achd 'n a choise. Ma bha am feitheamh firinneach,
mar bu mhaith leinn a chreidsinn gu-n robh e,
feudar an dòchas altruim gu-m faicear fathasd
na toraidhean 'n an caithe-beatha : oir cha-n 'eil
ni air thalamh a 's cinntiche na gu-n toir creidimh
an t-soisgeil an dream aig am bheil e gu bhi gu
cùramach a' gluasad ann an slighe àitheanta Dhè.
Nach ann a bhitheadh buaidh tèarnaidh an t-soi-
sgeil air a mhothachadh le sean 'us òg am measg ar
comh-luchd-dùthcha, air chor as gu faighear sinn
'ag imeachd ann an uile àitheantaibh agus orduigh-
ibh an Tighearna, gu neo-lochdach.'
Bun-uillidii.
Bha Mr. Mac Rath anns a' bhaile so air a chuid-
eachadh, aig àm an iasgaich, le Mr. Caimbeul a
Peitidh, agus le Mr. Ros à Tobar-Mhuire. B'e
barail dream d' am b' aithne gu robh mu mhile
coigreach anns an hite, a bha air an cleachdadh
mu 'n iasgach : agus mar a bha againn r'a innseadh
mu thimchioll nam bailtean iasgaich eile 's an
Taobh Tuath, bha na Gaidheil 's a' bhaile so a'
frithealadh nam meadhona gràis a dh'ullaicheadh
fa 'n chomhair. Bha seirbhisich an Tighearna gu
dichiollach a' searmonachadh Soisgeil ghlòrmhoir
an De bheannaichte ; agus tha sinn an dòchas nach
bi an siol luachmhor, a chuireadh, as eugmhais
toraidh, a bhitheas chum glòire Dhè, agus chum
buannachd mhaireannach do iomadh anam.