Books and other items printed in Gaelic from 1871 to 1900 > Gaelic and English sermons of the late Rev. John Macalister, with memoir

30
bith aig an Athair air a shon fèin air an teisteas so a thoirt
o nèamh, mu thimchioll a Mhic, oir bha fhios aige gu'n robh
Criosd ghnàtha deanadh a thoil, taitneach, ro thlachdmhor
leis. Cha mhò a bha feum aig Criosd air an teisteas so o
neamh da thaobh fèin, oir bha e làn fhiosrach do ghnàth air
gràdh an Athar da, mar a deir e fèin aig àm eile an uair a
thàinig guth o nèamh a toirt fianuis da. Fhreagair Iosa agus
thubhairt e, cha 'n ann air mo shonsa a thàinig an guth so,
ach air bhur s©nsa, air son math dhaoine, air son gu 'n
creideadh iad gom b'e Mac Dhe, agus Slanuighear an
t-saoghail. Anns an teisteas so tha an t-Athair a foillseach-
adh do dhaoinibh gu bheil e làn-toilichte le Mhac mar
Shlànuighear, agus ga chumail so a mach doibh chum gun
èisd iad ris, gu'm biodh iadsan toilichte leis, a creidsinn ann.
Tha co-chur slàinte Chriosd ri anamaibh agus coguisibh
pheacach, co feumail chum daoine a shaoradh o chumhachd
a' pheacaidh, agus o mhallachadh an lagha, agus a bha teachd
Chriosd, ùmhlachd agus a bhàs chum slàinte ullmhachadh.
Ach tha slàinte Chriosd air a co-chur ri peacaich a mhàin le
eisdeachd ris, creidsinn ann. Is an tre èisdeachd a thig
creideamh, etc. Da ionnsuidh-san bha na h-iobairtean uile
fodh 'n lagh a treòrachadh pheacach. Dasan thug Maois
agus na fàidhean uile fianuis, gu'm faigh gach neach a
chreideas ann maitheanas nam peacadh trid ainm-san, agus
da ionnsuidh-san, o gach iobairt agus fàidh tha an t-Athair
a t-ionndadh pheacach air son teagaisg agus slàinte — " Is e
so mo Mhac gràdhachsa, aims am bheil mo mhòr-thlachd
èisdibh ris.
Tha gach ni air a thoirt do Chriosd mar Eadar-mheadh-
onair leis an Athair, agus cha 'n aithne do neach sam bith
an t-Athair ach do'n Mhac, agus esan da 'n dean am Mac
'fhoillseachadh. Thoilich e an t-Athair gu còmhnuichidh
gach iomlanachd annsan. Tha gach solus Spioradail anns-
an, Grian na fireantachd. Is esan a ta soillseachadh gach
duine a ta teachd chum an t-saoghail. Is e so mo Mhac
gradhachsa, etc.
1. Tha an dleasnas so filleadh ann aire a thoirt do ghuth
Chriosd, do theagasg Chriosd.
Tha daoine gu nadurra, aineolach air Dia agus nithe
Dhia. Tha iad air am breith mar loth asail fhiadhaich,