Bannatyne Club > Correspondence diplomatique de Bertrand de Salignac de la Mothe Fénélon

— 284 —
déportemens de voz ministres des frontières , lesquelz ont , à
Carlisle , prins mes serviteurs , osté et ouvert leurs lettres
et puys envoyées en court, bien loin de ce qui m'a esté pro-
miz et escript , qui n'entendiez que j'eusse moins de liberté
que par cy devant , mais trop plus esloigné du racueil faict
à mes rebelles, avec lesquelz je ne pensay jamais estreesgalle.
Car ilz ont esté bien receuz en votre présence , avec liberté
d'aller et venir, et continuellement envoyer supportz d'ar-
gent, et, comme ilz disent, ainsi qu'il vous plairra voir
par ceste autre lettre , asseurez de support d'hommes à leur
besoing. Par ainsy, ilz sont meintenuz pour m' avoir voUu
faulcement accuser et tacher d'infamye , et moy, qui me suis
venue jetter entre voz braz , comme de ma plus asseurée
amye , reffuzant le support de ceulx lesquelz , offancés de
ce , je seray contraincte , à mon regret , de rechercher, si
sellon mon espérance et désir n'y remédiez par prompt se-
cours , ay esté esloignée de mon pays , retenue , vostre pré-
sence requise pour ma justiftication dényée , et enfin toutz
moyens coupez et retrenchez d'ouyr des miens ou leur faire
entendre ma volonté.
Je ne pense avoir mérité telz trettemens pour m'estre
fyée en vous , et vous avoir compleu , deflendant à mes sub-
jectz rien n'entreprendre quant ainsy me l'avez conseillé ,
et ne recherchant à vostre rcqueste et promise amytié aul-
tre que vous, non seulement désirant vous complaire, mais
obéyr, comme fille à sa mère. Et , de fresche mémoire, au
retour des traystres , sans l'advertissement de l'évesque de
Rosse et de maister Knollis, qui me persuadèrent que ne
pouviez trouver bon que mon party commenceast , je les
eusse bien salués à l'entrée des frontières , sans leur don-
ner si bonne commodité de lever soldatz pour ruyner mon