Bannatyne Club > Correspondence diplomatique de Bertrand de Salignac de la Mothe Fénélon

— 170 —
avec les Pays Bas, en dangier de se déclairer contre nous
et d'employer leur présant armennient en la faveur du prince
de Gondé.
Le cappitaine Franchot monstre porter grande affection
au service du Roy, et, encor qu'il soit de la novelle reli-
gion, semble qu'il ne vouldroit que ceulx cy fissent aucune
entreprinse sur le royaulme de France ; et parce qu'il tra-
fique avec le comte de Belfort, Milme, Trocmarton et autres
de ce conseil , il pense avoir moyen de servir à Leurs Ma-
jestez à quelque bonne occasion, et dict avoir comprins,
par le dire de ces seigneurs, que ceste Royne a toute auc-
torité envers ces princes d'Allemaigne qui sont en armes,
et envers tous ceuk de la ligue de la religion novelle, et
qu'elle divertiroit volontiers la guerre de France sur les
Pays Bas, et garderoitque les dicts princes d'Allemaigne ne
fissent plus aucun effort contre Leurs Majestez , pourveu
qu'elle se peult bien assurer du costé du Roy;
Bien dict qu'ayant esté rapporté à ceste princesse comme
le prince de Condé procuroit que, se faisant quelque pacif-
fication en France, l'on joignist toutes les forces qui y sont
maintenant pour aller chasser les Espaignolz de Flandres
et remectre le pays à l'obéyssance de la couronne de France,
qu'elle n'estoit bien contante decella, car seroit contraincte
de s'opposer à une telle entreprinse qui luy seroit trop do-
mageable, et qu'il ne failloit penser qu'elle embrassât les
affaires du dict prince, ayant une telle dellibération , bien
qu'elle désire veoir les Hespaignols hors du pays;
Et que le dict Franchot a très instamment requis le dict
S", de La Mothe de le recorder à Leurs Majestez pour estre
secouru de sa pencion , et qu'il semble qu'elle sera à présent
bien employée.