Bannatyne Club > Correspondence diplomatique de Bertrand de Salignac de la Mothe Fénélon

— 168 —
que plus grand nombre de gens de guerre qu'il n'y a, et
prendre garde à la dicte intelligence; ce qu'il dira aussi, en
passant, au cappitaine Gordan.
S'entend q'un navyre a esté naguyères chargé en Anvers
de corseletz , morrions et d'arquebuses, lequel a abordé à
la Rye, et s'en va à la Rochelle; il se pourroit bien don-
ner ordre que ceulx de la Rochelle ne tirassent telle com-
modité du dict Anvers;
Et que le conseiller Cavaignes a faict par deçà une aultre
provision de pouldres , pour envoyer au dict lieu de la Ro-
chelle, et qu'il est après à lesfère embarquer.
Les dicts de la Rochelle ont envoyé, comme on dict, un
navyre chargé de vin à ceste Royne, et la Royne de Na-
varre a donné à M', Ouynter une chaine de quatre cens
escuz , et ceulx de la ville six cens escuz en or.
Il y a deux soldatz gascons, qui se sont desrobés du dict
lieu de la Rochelle , et sont venuz sur les navyres du dict
M". Ouynter, qui veulent aller trouver Leurs Majestez , se
disans estre catholiques. L'on pourra par eulx entendre aul-
cunes choses du faict du prince de Condé et du dict lieu de
la Rochelle.
L'on a faict imprimer icy, en langaige anglois, la lettre
escripte au susdict Cavaignes, dont la coppie fut envoyée par
la dernière dépesche, de quoy s' estant plainct le dict S\ de
La Mothe comme de chose qui désavantageoit les affères du
Roy l'on luy a promiz de chastier l'imprimeur.
L'on a faict veoir, par interposées personnes, au dict S', de
La Mothe l'aultre discours venu de la Rochelle , dont la
coppie a esté aussi envoyée en la dernière dépesche ; mais
y ont adjousté ce qui est contenu en ung mémoire miz
dans ce pacquet.