Bannatyne Club > Correspondence diplomatique de Bertrand de Salignac de la Mothe Fénélon

— 1G5 —
ot piller ce qu'ilz pourroient, en raporlant le tiers du butin
au prince de Condé, et le cinquième à l'Amyral, il leur
avoit remonstré que la Royne, sa Mestresse, n'estoit pour
endurer, et encores moins pour tenir la main , à une telle
violence, qui ne s'exerceoit que contre les pouvres mar-
chans, et qu'elle mectroit peyne d'en nettoyer la mer;
Comme me pryoit de croire que, tant qu'il avoit esté en
ce voyage, il avoit deffandu les Françoys catholiques, et
tous aultres navigans, de l'oppression des dicts pirates, et
mesmes ayant surprins ung Anglois sur ung pillage qu'il
faisoit en une navyre hrethon , qui venoit d'Espaigne chargé
de quelques provisions, il l' avoit faict pendre;
Et que , passant au Conquet , encor que ceulx du lieu
l'eussent cannoné, et luy eussent thué cinq des sciens, et
blessé d'aultres, il ne leur avoit toutesfoys jamais vollu ti-
rer ung seul coup, affin de ne contrevenir au commande-
ment, que la dicte Dame luy avoit faict, de maintenir, en tout
ce qu'il pourroit, la paix qu'elle avoit avecques la France.
Lesquelz propos susdicts le dict S" . de La Mothe a gratiffiés
audict M\ Ouynter, luy mandant qu'ilz estoient conformes
à ce que la Royne , sa Mestresse , luy en avoit dict , mais qu'il
sçavoit bien que le Roy imputeroit tousjours à la dicte Dame
ce que ses navyres et ses subjectz feroient contre luy.
Il semble que la saysie, faicte à Roan sur les Anglois,
les fera aller plus retenuz contre nous, se voyant mesme-
ment estre entrez en mauvais mesnaige avec les Pays Ras;
mais ilz sont maintenant à se résouldre d'ung party ou
d'aultre, et monstrent qu'ilz seroient très ayses de demeu-
rer en paix avecques nous pour se rescentir contre les aultres,
aultrement est à craindre qu'ilz accorderont avecques les
aultres pour se déclairer contre nous.