Bannatyne Club > Correspondence diplomatique de Bertrand de Salignac de la Mothe Fénélon

— 164 —
se tiendront ferme contre l'aultre party, et qu'ilz conver-
tiront là tout leur présent armement, m'avans offert iceulx
seigneurs de ce conseil telles provisions de justice que je
vouldrois contre les pirates et une généralle déclaration de
ceste Royne , de n'en retirer ung seul dans ses portz , ny
permectre de débiter leurs prinses qu'ilz feront sur voz sub-
jectz par deçà, affin d'entretenir ung bien asseuré et libre
commerce, et toute bonne paix avecques la France.
Sur quoy il vous plaira. Madame, me renvoyer promp-
tement ung des miens, bien instruictdecequ'il vous plairra
que je leur responde, afiin que je ne faille de suyvre en
cella, comme en toutes aultres choses, l'intention de
Yostre Majesté, à laquelle je bayse très humblement les
mains , et prie Dieu qu'il vous doinct, etc.
De Londres ce xxx° de janvier 1569.
MÉMOIRE BAILLÉ A LA VERONE.
De faire entendre à Leurs Majestez comme M". Ouyn-
ter, voulant justiffier la Royne, sa Mestresse, et soy mesmes,
de ce voyage qu'il a faict à la Rochelle, a envoyé saluer
le dict S", de La Mothe par un marchant de Londres, bon
catholique , et luy dire comme , pour les difficultez qu'on
avoit faict à Rourdeaulx de recevoir et fornir leur première
flotte, il avoit esté contrainct de conduyre ceste seconde
vers la Rochelle , et en la Charante , alBn de ne s'en re-
tourner sans vin, où il n' avoit assisté qu'à son regrectle
prince de Gondé, et non sans qu'aulcuns luy eussent re-
proché par deçà qu'il estoit trop papiste;
Tant y a, qu'estant là, et entendant que Chatellier Pour-
tault et ses complices avoient commission de courir la mer,