Scottish Text Society publications > Third series > Works of Sir David Lindsay of the Mount, 1490-1555 > Volume 1, 1938

OF THE MONARCHE.
303
C Quhen all wes brynt, flesche, blud, & bonis,
Hyllis, valais, stokis, and stonis,
The Cuntre sank, for to conclude ;
Quhare now standith ane vglye flude,
The quhilk is callit the dede see,
Nixt to the cuntre of ludee,
Quhose stynkand strandis, blak as tar,
The flewre of it men felith on far.
In tyll Orocius thow may reid
Off that cuntre the lenth and breid.
Of lenth, fyftye mylis and two,
[K 6a] And fourtene myle in breid, also.
m Lott of his wyfe wes so agast
That he tyll A wyld Montane past.
Off cumpanye he had no mo
Except his lustye Douchteris two,
And, be thare prouocatioun,
As Moyses makith narratioun,
Allone in to that montane wylde,
His Douchteris boith he gat with chylde.
For thay beleuit, in thare thocht.
That all the warld wes gone to nocht,
As it become of that Natioun,
Thynkand that Generatioun
Wald faill, withoute thay craftellye
Gar thare Father with thame to lye.
And so thay fand ane crafty wyle,
Quhow thay thare Father mycht begyle,
And causit hym to drynk wycht wyne,
Quhilk men to Lychorye doith Inclyne.
Quhen he wes full, and falhn on sleip,
His Douchteris quyetlye did creip
In tyll his bed, full secreitlye,
Prouokand hym with thame to lye.
And knew nocht quhow he wes begylde,
Tyll boith his Douchteris wer with chylde ;
And bure two Sonnis, in certane,
Thay beand in that wyld Montane,
3480
3485
3490
3495
3500
3505
35io