Scottish Text Society publications > Third series > Works of Sir David Lindsay of the Mount, 1490-1555 > Volume 1, 1938

302
THE THRID BVKE
His wyfe wes turnit in A stone.
So wyfles wes he left allone.
For scho wes Inobedient, 344°
And kepit no commandiment.
Ouhen the Angell gaif thame command
Sone tyll depart out of that land,
He monyste thame, vnder gret pane,
Neuer to luke bakwart agane. 3445
Quhen Lottis wyfe hard the thoundring
Off flammand fyre and lychtnyng,
The vgly cryis lamentabyll
Off peple most appouentabyll,
For none of thame had fors to flee, 3450
Scho 3amit that sorrowfull sycht to see.
And, as scho tumit hir, anone
Scho wes transformit in a stone,
Quhare scho remanis tyll this daye.
Off hir I haue no more to saye. 3455
To schaw at leynth I am nocht abyll
That pietious proces lamentabyll,
[K 56] Quhow Ceteis, Castellis, Tounis, and Towris,
Uillagis, Bastail3eis, and Bowris,
Thay wer all in to poulder drewin ; 3460
Forrestis be the ruttis vprewin ;
Thare Kyng, thare Quene, and peple all,
3ong and auld, brynt in poulder small.
No Creature wes left on lyfe,
Fouhs, Beistis, Man, nor Wyfe ; 3465
The erth, the Corne, herb, frute, and tre.
The Babbis vpone the Noryse kne,
Rycht suddantlye, in one Instent,
Unwerly come thare lugement.
As it come in the tyme of Noye, 347°
Quhen God did all the warld distroye.
For that self Syn of Sodomye,
And most abhominabyll bewgrye.
That vyce at lenth for tyll declare,
I thynk it is nocht necessare.
3475